लोकनेते गोपीनाथ मुंडेंचा वारसा समर्थपणे चालविण्यास पंकजाताईसाहेब सक्षम

बहुजनांच्या ताकदीवरच पंकजाताईंचे राजकीय भविष्य उज्वल – सलीम जहाँगीर

By MahaTimes ऑनलाइन | बीड

लोकनेते गोपीनाथ मुंडेंचा वारसा समर्थपणे चालविण्यासाठी पंकजाताईसाहेब सक्षम आहेत. संघर्षातुन पुढे येत पंकजाताईंनी काढलेला मार्ग आज महामार्ग झाला असून त्यांना खा. इम्तियाज जलील यांच्या सल्ल्याची गरज नाही. पंकजाताईंचे राजकीय भविष्य उज्वल आहे. भारतीय जनता पार्टीच्या महाराष्ट्रातील पहिल्या मुख्यमंत्री म्हणून ताईसाहेबांचा नक्कीच सन्मान होईल असा विश्वास भाजप नेते सलीम जहाँगीर यांनी व्यक्त केला.

पंकजाताई बहूजन लोकनेत्या आहेत.खा.जलील यांना आत्ताच का मदतीचा पुळका आला? ताईंच्या विरोधात पूर्वनियोजित राजकीय खटाटोप रचला आहे. ताईंनी पक्षातून बाहेर जावे यासाठीच खा. जलील यांनी ही स्टंटबाजी केली असून त्यांच्या बोलविता धनी कोण असा प्रश्न भाजप नेते सलीम जहाँगीर यांनी उपस्थित केला आहे. एका हाकेवर लाखोंचा जन समुदाय आज त्यांच्यासाठी एकत्र येतो. राज्यातील 55 विधानसभा मतदारसंघात लोकनेत्या पंकजाताई मुंडे यांची भूमिका निर्णायक आहे.

भाजप नेत्या पंकजाताई मुंडे या बहूजन मान्य लोकनेत्या आहेत. लोकनेते गोपीनाथराव मुंडे साहेबांचा वारसा त्या समर्थपणे चालवत आहेत. बहुजन लोकनेत्या म्हणून पंकजाताई यांचे नेतृत्व सिद्ध झाले आहे. त्यांची वाढत आसलेले लोकप्रियता विरोधकांच्या आणि काही स्वकियांच्या डोळ्यात खपत असल्यामुळे दिग्गज नेत्याचे मित्र खा. इम्तियाज जलील यांना सल्ला केंद्राच्या आडून पुढे केले गेले आहे.

खा.जलिलभाई तुम्ही आमच्या ताईंची काळजी करू नका. दिवंगत नेते विलासराव देशमुख साहेब यांचा विधानसभेला पराभव झाला मात्र ते जनतेत गेले, निवडून आले आणि राज्याचे मुख्यमंत्री झाले. त्यामुळे पंकजाताई यांच्या एका पराभवाने आणि विधान परिषदेची संधी न मिळाल्याने पंकजाताई संपल्या आहेत असे कोणी समजू नये. ताईंच्या रक्तात संघर्ष आहे आणि मनगटात राज्य चालविण्याची ताकद आहे, त्यामुळे त्यांना कोणी सल्ला देण्याच्या भानगडीत पडू नये. समर्थकांकडून हल्ला, नाराजी असे काही घडवून आणू नये. कोणाच्या तरी सांगण्यावरून एव्हढेही छुप्या मैत्रीला जागु नका असा टोलाही भाजप नेते सलीम जहाँगीर यांनी लगावला आहे.