MahaTimes जिल्हा ग्रंथालयाकडून बीडकरांना मिळणार विविध साहित्याची मेजवानी, जिल्हा ग्रंथालय अधिकारी संजय मस्के यांची माहिती
By MahaTimes ऑनलाइन |
बीड : जिल्हा ग्रंथालय अधिकारी कार्यालयाचे वतीने बीड येथे दि. 19 व 20 नोव्हेंबर 2022 रोजी चंपावती विद्यालयात ग्रंथोत्सव कार्यक्रमाचे आयोजन करण्यात आले असून ग्रंथ जिल्हा समन्वय समितीची बैठक जिल्हाधिकारी राधाबिनोद शर्मा यांच्या अध्यक्षतेखाली जिल्हाधिकारी कार्यालयात घेण्यात आली यावेळी झालेल्या चर्चेच्या अनुषंगाने विविध कार्यक्रमाचे आयोजन करण्यात आले. विविध कार्यक्रमाच्या माध्यमातून साहित्याची मेजवानी मिळणार असल्याचे जिल्हा ग्रंथालय अधिकारी संजय मस्के यांनी कळविले आहे.
जिल्हाधिकारी तथा ग्रंथोत्सव समितीचे अध्यक्ष यांनी ग्रंथोत्सव 2022 मध्ये नामांकित प्रकाशकांची पुस्तके मोठ्या प्रमाणात विक्रीसाठी उपलब्ध होतील याकडे लक्ष द्यावे. नामांकित साहित्यिकांना आवर्जून निमंत्रित करावे पुस्तक विक्रेत्यांचा मोठा सहभाग शाळा महाविद्यालयातील विद्यार्थी शिक्षक पालक आणि ग्रंथप्रेमी यांची संख्या मोठ्या प्रमाणात येईल यासाठी प्रयत्न करावेत या सर्व बाबींची काळजी घ्यावी ग्रंथोत्सवाबाबत साहित्यिकांपर्यंत उत्सवाची माहिती पोहोचावी अशा सूचना जिल्हाधिकारी राधाबिनोद शर्मा यांनी यावेळी दिल्या. या बैठकीस जिल्हा परिषद माध्यमिक चे शिक्षणाधिकारी नागनाथ शिंदे, औरंगाबाद मराठवाडा साहित्य परिषदेचे बीड शहर शाखा अध्यक्ष डॉ सतीश साळुंखे, बीड जिल्हा ग्रंथालय संघाचे डॉ राजेंद्र सानप, प्रकाशक संघटनेचे प्रतिनिधी डॉ भास्कर बडे, जिल्हा ग्रंथालय अधिकारी संजय मस्के हे उपस्थित होते.
कार्यक्रमाची रूपरेषा पुढील प्रमाणे आहे शनिवार दि. 19 20 नोव्हेंबर रोजी दिंडीचा मार्ग ग्रंथदिंडी छत्रपती शिवाजी महाराज स्टेडियम ते चंपावती विद्यालय बीड या दिंडी चंपावती विद्यालयातील विद्यार्थी सहभागी होणार आहेत. ग्रंथोत्सवाचे उद्घाटन व बीड जिल्ह्यातील नीट मध्ये यशस्वी झालेल्या विद्यार्थ्यांचा गौरव केला जाणारा असून यशस्वी झालेल्या विद्यार्थ्यांना प्रेरणा मिळावी व त्यांचे कौतुक व्हावे या उद्देशाने त्यांचा गुणगौरव करण्यात येणार आहे बाल साहित्यिकांना व शालेय विद्यार्थ्यांना व्यासपीठ उपलब्ध उपलब्ध व्हावे त्यांच्या कलागुणांना वाव मिळावा यासाठी बालकवी संमेलन आयोजित करण्यात आले आहे. बीड जिल्ह्यातील कवींना व्यासपीठ उपलब्ध हवे त्यांचा आनंद रसिक स्वतःला मिळावा यासाठी बोर्ड कवी संमेलन ग्रंथ उत्सवात उपस्थित सर त्यांचे मनोरंजन व्हावे त्यासाठी कथाकथन व हास्य कवी संमेलन ज्येष्ठ मान्यवर साहित्यिक उत्त म कांबळे, नरेंद्र चपळगावकर यांचा परिसंवाद ग्रंथोत्सवात सहभागी साहित्यकांना प्रमाणपत्राचे वाटप ग्रंथोत्सव 2022 मध्ये बीड जिल्ह्यातील जे शासनमान्य सार्वजनिक ग्रंथालय आपला सहभाग नोंदवतील त्या ग्रंथालयास सहभाग प्रमाणपत्र देण्याचे आयोजन.
स्पर्धा परीक्षा देणाऱ्या विद्यार्थ्यांना मार्गदर्शन बीड जिल्ह्यातील स्पर्धा परीक्षेच्या विद्यार्थ्यांना मार्गदर्शन व्हावे व स्पर्धा परीक्षेमध्ये जास्तीत जास्त विद्यार्थी यशस्वी व्हावेत यासाठी जिल्हा ग्रंथालयाचे अधिकारी तथा सदस्य सचिव संजय मस्के यांच्या सूत्रानुसार ग्रंथोत्सव 2022 मध्ये स्पर्धा परीक्षेमध्ये मार्गदर्शन करण्याची जबाबदारी सहाय्यक जिल्हाधिकारी आदित्य जीवनी बीड भारतीय प्रशासकीय सेवा उप जिल्हाधिकारी सामान्य दयानंद जगताप सहाय्यक पोलीस अधीक्षक माजलगाव यांच्यावर सोपविण्यात आली. माध्यमिकचे शिक्षणाधिकारी नागनाथ शिंदे यांनी ग्रंथ उद्घाटन प्रसंगी विद्यार्थी शिक्षक मोठ्या प्रमाणात उपस्थित राहतील. तसेच सदस्य डॉ राजेंद्र सानप यांनी बीड जिल्ह्यातील शासनमान्य सार्वजनिक ग्रंथालयाचे पदाधिकारी व कर्मचाऱ्यांच्या सहभागासाठी प्रयत्न करण्याची जबाबदारी घेतली.
