MahaTimes अद्ययावत पत्ते द्या,आपली बाजू मांडा -जिल्हाधिकारी शर्मा यांचे आवाहन
काळ्या यादीत टाकण्याची एकतर्फी कारवाई प्रस्तावित होणार!
By MahaTimes ऑनलाइन |
बीड : जलयुक्त शिवार परळी गैरव्यवहार प्रकरणातील दोषी ठेकेदार, मजूर संस्थांना काळ्या यादीत टाकण्याची एकतर्फी कारवाई प्रस्तावित करण्यात येणार आहे. संबंधितांनी अद्ययावत पत्ते जिल्हा अधिक्षक कृषि अधिकारी, बिंदुसरा नर्सरी, धानोरा रोड, बीड या कार्यालयात 20 ऑक्टोबर 2022 पर्यंत उपलब्ध करु न द्यावेत असे आवाहन जिल्हाधिकारी राधाबिनोद शर्मा यांनी केले आहे.
गैरव्यवहार प्रकरणातील दोषी ठेकेदार यांचे विरु ध्द काळ्या यादीत समावेश करण्याची कार्यवाही चालु असून या ठेकेदारांना, मजूर संस्थांना त्यांचा काळ्या यादीत का समावेश करण्यात येवू नये याबाबत खुलासा सादर करणेबाबत नोटीसा निर्गमित करण्यात आल्या होत्या परंतु परिपूर्ण पत्त्यांच्या अभावी सदर नोटीसा या परत आलेल्या आहेत.
तरी सदरील ठेकेदारांना, मजूर संस्थांनी आपली बाजू मांडण्यासाठी जिल्हा अधिक्षक कृषि अधिकारी, बीड यांच्या कार्यालयात गुरु वार दि.20 ऑक्टोबर 2022 रोजीपर्यंत संपुर्ण पत्ते उपलब्ध करु न द्यावेत या उपरही अद्यावत व परिपुर्ण पत्ते उपलब्ध करु न दिले नाही तर काहीही म्हणणे नाही असे समजुन एकतर्फी कारवाई करण्याचा निर्वाणीचा इशाराही जिल्हाधिकारी श्री. शर्मा यांनी दिला आहे.
...या मजूर संस्थांवर एकतर्फी कारवाई ची टांगती तलवार!
पाणलोट समिती सेलू प.जि.बीड, प्रकाश विठ्ठल गिते ता.परभणी जि.बीड, श्री हनुमान मजूर सहकारी संस्था अंबाजोगाई जि.बीड, श्री ठाकुर भगतसिंग बलबीर ता.परळी जि.बीड, श्री लाड सुनिल रा.परळी जि.बीड, श्री.नेहरकर रंगनाथ सुधाकर रा.पिसेगाव ता.केज जि.बीड, रु पा मजूर सहकारी संस्था सोनी जवळा ता.केज जि.बीड अशी परिपूर्ण व अद्यावत पत्ते प्राप्त नसल्यामुळे नोटीस प्राप्त न झालेल्या ठेकेदार व मजूर संस्थांची नावे आहेत असे जिल्हा प्रशासनाने जाहीर केले आहे.
