‘एलसीबी’ची सुत्रे संतोष साबळेंच्या हाती

शहर वाहतूक शाखेची जबाबदारी अशोक मुदिराज कडे, तर  ग्रामीण ठाण्याच्या निरीक्षकपदी विश्वास पाटील 

By MahaTimes ऑनलाइन |

बीड : अखेर स्थानिक गुन्हे शाखेच्या निरीक्षक पदी बीड ग्रामीण चे निरीक्षक संतोष साबळे यांची नियुक्ती करण्यात आली आहे. तर, बीड शहर वाहतूक शाखा प्रमुख पदी अशोक मुदिराज, यांची ग्रामीण ठाण्याच्या निरीक्षकपदी विश्वास पाटील यांची नियुक्ती करण्यात आली आहे. या बदलीचे आदेश पोलीस अधीक्षक नंदकुमार ठाकूर यांनी सोमवारी काढले आहेत.  

स्थानिक गुन्हे शाखेच्या निरीक्षक सतीश वाघ यांची नुकतीच बदली झाली होती. अन्यत्र बदली झाली. त्यांच्या रिक्त पदी अनुभवी वरिष्ठ पोलिस निरीक्षक संतोष साबळे यांची नियुक्ती करण्यात आली आहे, श्री. साबळे मंगळवारी एलसीबी ची सुत्रे सांभाळली. त्यांच्यासमोर चोरी, दरोडा, घरफोडी यासह गुटखा, मटका अशा अवैध धंद्याना लगाम घालण्याचे आव्हान असणार आहे.  बीड ग्रामीण ठाणे निरिक्षक पदी विश्वास पाटील यांची तर जिल्हा वाहतुक शाखेला अशोक मुदिराज यांची नियुक्ती आली आहे. मोदीराज यांच्याकडे वाहतुक व्यवस्थेला शिस्थ घालण्याची मोठी जबाबदारी राहणार आहे.