MahaTimes डॉ. बाबासाहेब आंबेडकर इंटरनॅशनल सेंटर, न्यू दिल्ली येथे दोन्ही पुरस्कार व सदस्यता प्रमाणपत्र प्रदान
By MahaTimes ऑनलाइन |
नवी दिल्ली : जागतिक मानवी हक्क संरक्षण आयोग, नवी दिल्ली भारत सरकार व युनायटेड स्टेट ऑफ अमेरिका सरकार मान्यता प्राप्त संस्थेच्या वतीने देण्यात येणारी मानद डॉक्टरेट (शिक्षण व समाज सेवा) ही पदवी व तसेच भारत गौरव रत्न श्री सन्मान परिषद , भारत सरकार द्वारा मान्यता प्राप्त यांच्या वतीने देण्यात येणारा भारत गौरव श्री सन्मान हा मानाचा पुरस्कार सोलापूर चे आदर्श शिक्षक डॉ. नुरअहमद बशीर कारंजे (यशोधरा प्रशाला, सोलापूर) यांना प्रदान करण्यात आला.
डॉ. बाबासाहेब आंबेडकर इंटरनॅशनल सेंटर जनपत रोड, नवी दिल्ली. येथे आयोजित शानदार समारंभात श्री सिन्हाजी मा. सुप्रिम कोर्ट जज, क्रिकेटर मदन लाल, चेतन शर्मा, इटरनॅशनल अंमपायर अरून चौधरी सह विविध मान्यवरांच्या हस्ते आदर्श शिक्षक नुरअहमद बशीर कारंजे यांना दोन्ही पुरस्कार व सदस्यता प्रमाणपत्र प्रदान करण्यात आले. ओरिसाच्या रेल दुर्घटनेमुळे इतर कोणी राजकीय नेते मंडळी येऊ शकले नाही.
या पुरस्काराबद्दल संस्थेचे संस्थापक अध्यक्ष माननीय श्री रमेशजी सुतकर सर, संस्थेच्या सचिव सौ. विमल सुतकर मॅडम, प्रशालेचे प्राचार्य श्री. सुबोध सुतकरसर व सर्व सहकारी शिक्षक, मित्र परिवार यांनी अभिनंदन केले आहे. आदर्श शिक्षक नुरअहमद बशीर कारंजे यांना शैक्षणिक, सामाजिक व सांस्कृतिक क्षेत्रामध्ये केलेल्या उल्लेखनीय कार्याबद्दल आतापर्यंत राज्य व राष्ट्र स्तरीय पुरस्कारासह आंतरराष्ट्रीय, एशियन पुरस्कार मिळाले आहेत.
