‘थर्टी फस्ट’ अन् नववर्ष पार्श्वभूमीवर जिल्ह्यात निर्बध लागू

काय आहे जिल्हाधिकारी यांचे आदेश वाचा

By MahaTimes ऑनलाइन –  बीड |

कोरोना विषाणूच्या संक्रमणाच्या पार्श्वभूमीवर गेल्या काही दिवसांमध्ये ओमिक्रॉन ही नवीन विषाणू प्रजाती आढळून आल्यामुळे संसर्गाचा नवीन धोका निर्माण झाला आहे. ओमिक्रॉनचे संक्रमण मोठ्या तीव्रतेने पसरण्याची दाट शक्यता आहे. या पार्श्वभूमीवर नागरिकांनी आरोग्याच्या दृष्टीने खबरदारी म्हणूनमोठ्या प्रमाणात एकत्र न येता या वर्षी 31 डिसेंबर 2021 वर्ष अखेर व नूतन वर्ष 2022 चे स्वागत अत्यंत साधेपणाने घरीच साजरे करावे असे आवाहन जिल्हाधिकारी राधाबिनोद शर्मा यांनी केले आहे.

नवीन वर्षाच्या स्वागतासाठी

नववर्षाच्या स्वागताच्या निमित्ताने कोणत्याही प्रकारे धार्मिक सांस्कृतिक कार्यक्रमाचे आयोजन करू नये तसेच मिरवणुका काढण्यात येऊ नयेत. नूतन वर्षाच्या पहिल्या दिवशी बहुसंख्य नागरिक धार्मिकस्थळी जात असतात. अशावेळी त्या ठिकाणी एकाच वेळी गर्दी न करता सोशल डिस्टन्सींगचे पालन करावे तसेच संबंधितांनी आरोग्य व स्वच्छतेच्या दृष्टीकोनातून योग्य त्या खबरदारीच्या उपाययोजना कराव्यात. फटाक्यांची आतिषबाजी करण्यात येऊ नये ध्वनीप्रदूषणाच्या अनुषंगाने नियमांचे काटेकोरपणे पालन व्हावे.

वृद्ध व बालकांनी घराबाहेर जाणे टाळावे

कोरोनाच्या पार्श्वभूमीवर 60 वर्षावरील नागरिकांनी व दहा वर्षांखालील मुलांनी सुरक्षिततेच्या व आरोग्याच्या दृष्टीने शक्यतोवर घराबाहेर जाणे टाळावे 31 डिसेंबरच्या दिवशी नागरीकांनी बागेत, रस्त्यावर अशा सार्वजनिक ठिकाणी मोठ्या संख्येने येऊन गर्दी न करता सोशल डिस्टन्सींग राहील तसेच मास्क व सेनिटायझरचा वापर होईल याकडे विशेष लक्ष देणे आवश्यक आहे. विशेषतः कोरोनाचा प्रादुर्भाव पाहता नागरिकांनी आरोग्याच्या दृष्टीने काळजी घेणे आवश्यक आहे.

कोविड-19 व विशेषत्वाने ओमिक्रॉन या विषाणू प्रजातीचा प्रादुर्भाव रोखण्यासाठी शासनाच्या नियमांचे काटेकोर अनुपालन करणे बंधनकारक राहील. तसेच यापरिपत्रकानंतर व 31 डिसेंबर 2021 व नूतन वर्ष 2022 सुरु होण्याच्या मधल्या कालावधीत काही सूचना नव्यानेप्रसिध्द झाल्यास त्यांचे देखील अनुपालन करावे असे आवाहन जिल्हाधिकारी राधाबिनोद शर्मा यांनी सर्वजिल्हावासियांना केले आहे.