मुलांचे भविष्य उज्वल करण्यासाठी वेळेचं सदुपयोग करा

शिक्षणाधिकारी श्रीकांत कुलकर्णी :

By MahaTimes ऑनलाइन |

बीड : भाव घासला की स्वभाव बनतो. प्रत्येकाने आपल्या डोक्यात इतरांविषयी प्रेम, आपुलकीची भावना ठेवावी. डोक्यातील द्वेष, राग, मत्सर काढा. आपल्याला हवं ते मिळालं नाही म्हणून कुढत बसु नका. स्वत: जसे आहात तसे स्वीकार करा. मुलांचे भविष्य उज्वल करायचं असेल तर वर्तमान वेळेचं सदुपयोग करा. असे आवाहन शिक्षणाधिकारी (प्रा.) श्रीकांत कुलकर्णी यांनी बुधवारी जि. प. केंद्र अशोेकनगर येथे शाळा प्रवेश पूर्व तैयारी, केंद्रस्तरीय आढावा बैठक तथा आदर्श पुरस्कार वितरण व ईद मिलाप कार्यक्रमात बोलतांना केले.

याप्रसंगी उप शिक्षणाधिकारी (नियोजन) काजी अ. माजेद , श्री चोपडे, श्री. माटे, वरिष्ठ पत्रकार सीआर पटेल, एजाज अहमद, प्रा. जावेद पाशा, ऍडो शेख शफिक, खुर्शीद आलम, केंद्र प्रमुख फेरोज सर, मुख्याध्यापक शेख मुसा, शाळा समितीचे अध्यक्ष शेख उस्मान, रईस शेख यांची प्रमुख उपस्थिती होती.

पुढे बोलतांना शिक्षणाधिकारी श्री. कुलकर्णी म्हणाले की, सार्वजनिक ठिकाणी अधिकांश लोक जसं वर्तन करतात तसं आपण वागतो. वातावरणाचं आपल्या वर परिणाम होत असतो. त्यामुळे शिक्षकांनी शाळेच्या बाह्य सौंदर्याबरोबरच आंतरिक सौंदर्य वाढविण्यासाठी प्रयत्न केले पाहिजे असे ते म्हणाले. मनापासुन केलेलं प्रेम व कृत्रिम प्रेम यात खूप फरक असतं. हा फरक जसं समोरच्याला कळतं तसं आपली मुलं देखील ओळखतात. आजही शिक्षकाविषयी समाजात वेगळी भावना आहे. शिक्षक चुकीचा वागला तर ते त्याला पचनी पडत नाही. शिक्षक ही व्यक्ती प्रेमळ, ज्ञानी असते ही लोकाची दृढ भावना आहे. त्यांचं भ्रमनिराश होऊ देऊ नका असा मोलाचा सल्ला दिला.

वरिष्ठ पत्रकार सीआर पटेल यांनी उपस्थित शिक्षकांना मार्गदर्शन करतांना म्हणाले की, आपण जिथं काम करतो त्याला कमी लेखन्याची चुक करू नका. कारण जिल्हा परिषद शाळांनी असंख्य विद्याथ्यांना घडविले आहे. आजही ते विविध क्षेत्रात कार्यरत असुन आपले व देशाचे नाव उज्वल करीत आहे. ही बाब त्यांनी सोदाहरण स्पष्ट केली. शिक्षकच मुलांचे पवारहाऊस आहे.त्यांना गुणवत्तापूर्ण शिक्षण द्यावे.असे पटेल यांनी सांगितले.आपले सर्व भाषण इंग्रजीतुन पण सर्वाना समजेल असे वाक्यप्रयोग करून केले. मी रिटायर्ट झालो मात्र अजुन ही थकलेलो नाही असे सांगुन त्यांनी उपस्थित शिक्षकांमध्ये उर्जा निर्माण केली.कार्यक्रमाच्या शेवटी अशोकनगर शाळेत आयोजित ईद-मिलाप कार्यक्रमात सर्वांनी सिरखुर्म्याचा विविध खाद्य पदार्थचा आस्वाद घेतला.

केंद्रस्तर आदर्श शिक्षक पुरस्कार

जिला परिषद शाळेतील जे शिक्षक केंद्र स्तरावर चांगली कामगिरी करीत आहेत. शिक्षणाबरोबरच नाविण्यपूर्ण उपक्रम राबवित आहेत. अशा निवडक मराठी व उूर्द माध्यमातील मुख्याध्यापक तथा शिक्षक शेख मुसा, अनोळे संगीता, आशा भारती, सावंत वैजंता, सिद्दीकी नसरीन, शेख शाहीन, सय्यद मुमताज, अन्वर खान, मोमीन अंजुम, अंधलकर स्नेहसुधा यांचा शिक्षणाधिकारी श्रीकांत कुलकर्णीसह मान्यवरांच्या हस्ते आदर्श शिक्षक पुरस्काराने गौरविण्यात आले.