रमजान ईद उत्साहात साजरी

जिल्हाभरातील ईदगाह, मशिदीत सामूहिक नमाज अदा

By MahaTimes ऑनलाइन |

बीड : शुक्र वारी चंद्रदर्शन झाल्यानंतर शनिवारी भारतात रमजान ईद मोठ्या उत्साहाच्या साजरी करण्यात आली. दरम्यान बीड जिल्ह्यात उत्साह पहावयास मिळाला. सर्व ईदगाह आणि मोठ्या मशिदींमध्ये ईदची नमाज अदा करण्यात आली. नमाज अदा केल्यानंतर मुस्लिम बांधवांना शुभेच्छा देण्यासाठी ईदगाह येथे विविध राजकीय पक्षांच्या नेत्यासह सामाजिक क्षेत्रातील कार्यकर्त्यांनी मोठया संख्येने उपस्थिती दर्शविली होती. ईदची नमाज अदा झाल्यानंतर मुस्लिम बांधवांनी एकमेकांना अलिंगण देत ईदच्या शुभेच्छा दिल्या. बीड शहरासह जिल्हाभरातही ईद मोठ्या उत्साहात साजरी झाली असून ठिकठिकाणी अमन, शांती ची दुवॉ मागण्यात आली.

मुस्लिम बांधवांनी पारंपरिक पद्धतीने ईदची साजरी केली. मुस्लिम बांधवांनी महिनाभर कडक रोजे धरले. पवित्र रमजान महिण्याच्या पार्श्वभूमिवर मुस्लिम बांधवांनी सदखा, फित्र आणि जकात चे पैसे आणि सिखुर्मा व किराणा साहित्या गरीब आणि गरजूंना वाटून त्यांना ईदच्या उत्साहात सामील करून घेण्याचा प्रयत्न करीत त्यांची ईद गोड केली.

आनंद व उत्साहाची उधळण करणार्‍या रमजान ईद सणानिमित्त बीड शहरातील पेठ बीड भागातील नाळवंडी नाका येथील जुना ईदगाह मैदान येथे माजी मंत्री जयदत्त क्षीरसागर, पोलीस अधीक्षक नंदकुमार ठाकूर व डॉ.भारतभूषण क्षीरसागर यांनी सर्व मुस्लिम बांधवांना शुभेच्छा दिल्या. तर, डॉ.योगेश क्षीरसागर यांनी बालेपीर नवीन ईदगाह मैदान येथे उपस्थित राहून मुस्लिम बांधवांना ईदच्या शुभेच्छा दिल्या.

गेल्या महिनाभरापासून सुरू असलेल्या पवित्र रमजान महिन्याच्या शेवट आज होत असून आ संदीप क्षीरसागर, कांग्रेस चे वरिष्ठ नेते रविंद्र दळवी यांनी सकाळीच ईदगाह बालेपीर येथे जावुन सर्व मुस्लिम समाज बांधवांनी शुभेच्छा दिल्या.

बीड शहरातील नवीन ईदगाह बालेपीर येथे आमदार संदीप क्षीरसागर यांनी भारतीय जनता पार्टीचे युवा नेते शेख इर्शाद भैय्या यांना ईद निम्मित शुभेच्छा दिल्या.

शहरातील ईदगाह मैदान येथे ईदनिमित्त मुस्लिम बांधवांना शुभेच्छा देताना युवा रिपाइं प्रदेशाध्यक्ष तथा बीड जिल्हा अध्यक्ष पप्पू कागदे, माजी आ.राजेंद्र जगताप, वंचितचे अशोक हिंगे आदी.

बालेपीर नवीन ईदगाह मैदान येथे हिंदु-मुस्लिम बांधवांनी गळाभेट घेउन ईदच्या शुभेच्छा दिल्या.