समाजसेवक जहीर कादरी यांच्याकडून गरजवंतांना किराणा कीटचे वाटप

एसपी नंदकुमार जी ठाकूर, डीवायएसपी संतोषजी वाळके यांची उपस्थिती

By MahaTimes ऑनलाइन |

बीड : समाजसेवक जहीर कादरी यांनी रमजानच्या पवित्र महिण्यात हजारो गरजवंताना किराणा कीट चे वाटप करून त्यांची ईद गोड करण्याचा प्रयत्न केला. आज बीड जिल्हा पोलीस अधीक्षक श्री नंदकुमार जी ठाकूर यांच्या हस्ते पोलीस उपाधीक्षक संतोषजी वाळके बीड शहर पोलीस निरीक्षक सानप यांच्या उपस्थित किराणा कीटचे वाटप केले. याचा लाभ हजारो हिंदु-मुस्लिम गरजूंनी घेतला.

गेल्या पंधरा वर्षापासून समाजसेवक जाहीर कादरी हे रमजानच्या पवित्र महिन्यामध्ये हजारो गरजवंतांना किराणा कीटचे वाटप करतात. त्याचप्रमाणे याही वर्षी त्यांनी हिंदू मुस्लिम समाजातील अनेक गरजूवंतांना केजीएन ग्रुपच्या माध्यमातून एक हात मदतीचा म्हणून किराणा साहित्य वाटप केले आहे.

केजीएन ग्रुपचे संस्थापक अध्यक्ष जहीर कादरी हे गोर गरीबलोकांच्या मदतीस हे केजीएन ग्रुपच्या माध्यमातून सतत काही ना काहीतरी मदत करत असतात त्यांनी वाटप करत असताना म्हणाले लोकांचे आशीर्वाद सतत कामात ऊर्जा देत आहे असे म्हणणे व्यक्त केले.