MahaTimes तिन जणांवर गुन्हा दाखल
By MahaTimes ऑनलाइन |
बीड : साप्ताहिक रयत क्रांतीचे संपादक अनिल घोरड यांना अडवुन तीन जणांनी विटाने जबर मारहाण करून डोके फोडल्याची घटना बुधवार १२ एप्रील रोजी दुपारी दोन वाजता घडली. याप्रकरणी शिवाजीनगर पोलिस ठाण्यात तीन जणांवर गुन्हा दाखल करण्यात आला आहे.
पत्रकार अनिल घोरड ( रा.स्वराज्यनगर ) हे १२ एप्रील रोजी दुपारी दोन वाजता बीड शहरातील सम्राट चौका जवळुन जात असतांना या ठिकाणी आलेल्या आरोपी गजानन हावळे, अशोक कदम यांच्यासह सुऱ्या या तिघांनी संगणमत करून घोरड यांना मारहाण करून जखमी केले. यावेळी गजानन हावळे याने आम्ही पत्रकारांना अजीबात ओळखत नाहीत असे म्हणून विट हाती घेवुन घोरड यांना मारहाण करून त्यांचे डोके फोडले. जखमी झाल्यानंतर बेशुध्द अवस्थेत रस्त्यावर पडलेले अनिल घोरड यांना बबलु जाधव, गणेश ढगे यांनी तातडीने बीड जिल्हा रूग्णालयात दाखल केले.
या प्रकरणी पत्रकार अनिल घोरड यांचा बीड जिल्हा सामान्य रूग्णालयातील पोलिसांनी एमएलसी जवाब घेवुन कागदपत्रे शिवाजीनगर पोलिस ठाण्यात दाखल केली. यावरून पोलिसांनी आरोपी गजानन हावळे, अशोक कदम यांच्यासह सुऱ्या यांच्या विरूध्द भादंवी कलम ३२४, ३२३, ५०४,५०३ ३४ नुसार गुन्हा दाखल करण्यात आला असुन अधिक तपास पोलिस जमादार फिरोज खान पठान, ज्ञानेश्वर मराडे हे करत आहेत.