‘कृषी महोत्सव’ चे उद्घाटन आज

5 दिवसीय कृषी महोत्सवात विविध कार्यक्रमांची मांदियाळी; दररोज सायंकाळी सांस्कृतिक कार्यक्रमांची मेजवानी

By MahaTimes ऑनलाइन |

बीड : बीड जिल्हा कृषी महोत्सव 24 ते 28 फेब्रुवारी या कालावधीत आयोजित करण्यात आला आहे. सदर महोत्सवाचे उदघाटन शुक्रवारी (दि. 24) रोजी दुपारी 2 वाजता राज्याचे सहकार, इतर मागास बहुजन कल्याण मंत्री, तथा पालकमंत्री, अतुल सावे, बीड यांचे हस्ते होणार आहे.

कृषी विभाग व कृषी तंत्रज्ञान व्यवस्थापन यंत्रणा (आत्मा), बीड च्यावतीने जिल्ह्यातील शेतकर्यांना तंत्रज्ञानाची माहिती मिळावी या उद्देशाने जिल्हाधिकारी श्रीमती दिपा मुधोळ- मुंडे व  मुख्य कार्यकारी अधिकारी  श्री अजित पवार  यांच्या मार्गदर्शनाखाली कृषी विभागामार्फत  जिल्हा अधीक्षक कृषी अधिकारी बाबासाहेब जेजुरकर व प्रकल्प संचालक आत्मा सुभाष साळवे यांचे सनियंत्रणाखाली ‘बीड जिल्हा कृषी महोत्सव 2023’ चे 24 ते 28 फेब्रुवारी  दरम्यान छत्रपती संभाजी महाराज क्रीडांगण (मल्टीपर्पज ग्राउंड), छत्रपती शिवाजी महाराज चौक बीड येथे भव्य असे पाच दिवसीय बीड जिल्हा कृषी महोत्सवाचे आयोजन केले आहे.

जिल्ह्यातील शेतकऱ्यांना नवतंत्रज्ञान मिळावे, कृषी प्रदर्शन,पशु प्रदर्शन,परिसंवाद/चर्चा सत्र,उत्पादक ते ग्राहक थेट विक्री व्यवस्था, शेतकरी सन्मान समारंभ,अत्याधुनिक कृषी अवजारे प्रदर्शन, शेतकरी उत्पादक कंपनी व सेंद्रिय शेती गट उत्पादित धान्य फळे फुले भाजीपाला महोत्सव विक्री  होणार आहे आंतरराष्ट्रीय पौष्टिक तृणधान्य वर्षाच्या निमित्ताने तृणधान्य पिकांना प्रोत्साहन म्हणून त्याची माहिती मिळणार आहे. भव्य कृषी प्रदर्शन, शेतकरी मेळावे खरेदी विक्रेता संमेलन, शेतकरी मेळावा त्याचबरोबर खाद्य महोत्सव मेजवानी ही शेतकरी व भेट देणार्या नागरिकांना मिळणार आहे.

200 स्टॉल ची व्यवस्था

कृषी प्रदर्शनात भव्य अशा 200 दालनाद्वारे कृषी उत्पादनांची कृषी अवजारांची, प्रात्यिक्षके या प्रदर्शनात पाहावयास मिळणार आहे तसेच दि 26 फेब्रुवारी रोजी  पशुप्रदर्शना मध्ये श्वान, घोडे, पक्षी, ई. पहावयास मिळणार आहे. रक्तदान शिबिर आयोजित करण्यात आलेले असून त्या मध्ये भेट देणाऱ्या शेतकरी नागरिक यांनी रक्तदान करावे असे आवाहन आयोजकामार्फत करण्यात आलेले आहे.तज्ञांची चर्चासत्रे आदी उपक्रम या प्रदर्शनास होणार आहे.

दररोज सायंकाळी सांस्कृतिक कार्यक्रमाचे आयोजन

दररोज सायंकाळी सांस्कृतिक कार्यक्र माचे आयोजन करण्यात येणार असून यामध्ये दररोज विविध कार्यक्र मांचे आयोजन करण्यात आले आहे जसे की लघु चित्रपट संमेलन कृषी काव्य संमेलन कृषी विभागातील अधिकारी कर्मचार्यांचे सांस्कृतिक कार्यक्रम शालेय विद्यार्थ्यांचे संमेलन सांस्कृतिक कार्यक्रम गायन, नृत्य, स्पर्धा संगीत कार्यक्रम अशा कार्यक्रमांचे दररोज आयोजन करण्यात येणार आहे. समारोपप्रसंगी कृषी क्षेत्रात उल्लेखनीय कार्य करणारे शेतकर्यांचा गौरव करण्यात येणार आहे.