MahaTimes ग्रंथप्रेमी, सार्व. ग्रंथालय चालक, पदाधिकारी यांनी लाभ घ्यावा-विठ्ठल जाधव
By MahaTimes ऑनलाइन |
बीड : बीड जिल्हा ग्रंथोत्सवाचे 10 व 11 फेब्रुवारी रोजी चे आयोजन करण्यात आले असुन ही बीडकरांसाठी पर्वणी ठरणार आहे. दरम्यान दोन दिवस चालणाऱ्या भरगच्च कार्यक्र मांना जिल्हाभरातील ग्रंथप्रेमी, सर्व सार्वजनिक ग्रंथालय चालक, पदाधिकारी, वाचक व विद्यार्थी यांनी उपस्थित रहावे असे आवाहन ज्ञानलक्ष्मी ग्रंथालय हिंगणगावचे अध्यक्ष विठ्ठल जाधव यांनी केले आहे.
प्रसिध्दीस दिलेल्या पत्रकात विठ्ठल जाधव यांनी म्हटले आहे कि, दर वर्षाप्रमाणे याही वर्षी वाचन संस्कृति वृध्दींगत व्हावी या हेतुने महाराष्ट्र राज्य उच्च व तंत्रशिक्षण विभागाच्या ग्रंथालय संचालनालया अंतर्गत बीड जिल्हा ग्रंथालय अधिकारी कार्यालयाच्यावतीने चंपावती हायस्कुल, नगररोड, बीड येथे दोन दिवसीय ग्रंथोत्सवाचे आयोजन करण्यात आले आहे.
दरम्यान ग्रंथदिंडी व उद्घाटन सोहळा, गुणवंत विद्याथ्यांचा गौरव, कवी संमेलन, कथा वाचन, परीसंवाद-1, मी आणि माझे वाचन, विद्यार्थ्यांचे कथावाचन, कवी संमेलन, परिसंवाद-2, स्पर्धा परिक्षेचे मार्गदर्शन आदि भरगच्च कार्यक्र म संपन्न होणार आहेत. या सर्व कार्यक्रमांचा जिल्हावासीयांनी लाभ घ्यावा असे आवाहन ही विठ्ठल जाधव यांनी केले आहे.
