रिपोर्टर कप फुटबॉल स्पर्धेचा बक्षिस वितरण समारंभ थाटात

खेळाडूंना फुटबॉल मैदान मिळावं यासाठी प्रयत्न करू-माजी आ. सय्यद सलीम

शुजा व एसकेपी क्लबचे कौतुकास्पद काम-शेख तय्यब

By MahaTimes ऑनलाइन |

बीड : बीड हे सर्व क्षेत्रात आघाडीवर आहे. या ठिकाणी फुटबॉल खेळणारे उत्तम प्रतिचे खेळाडू आहेत. हे खेळाडू राज्य आणि देशपातळीवर खेळ खेळतील यासाठी फुटबॉल मैदानाची नितांत गरज आहे. येणार्‍या काळात खेळाडूंसाठी फुटबॉलचे मैदान मिळावे यासाठी प्रयत्न करणार असल्याचे माजी आ.सय्यद सलीम यांनी म्हटले.

बीड येथील छत्रपती संभाजी राजे क्रिडांगणावर सुरू असलेल्या एसकेपी व शुजा क्रिडामंडळातर्फे आयोजित रिपोर्टर कप बीएफएल फुटबॉल स्पर्धा सिजन-2च्या बक्षिस वितरण प्रसंगी बोलत होते. या वेळी माजी आ.सय्यद सलीम, राजूभाई, शुजा क्रिडामंडळाचे इम्रान सर यांच्यासह आदी मान्यवर खेळाडू उपस्थित होते.

यावेळी बोलतांना सायं.दै. बीड रिपोर्टरचे संपादक शेख तय्यब यांनी खेळाबद्दल माहिती देत हा अंग मेहनतीचा खेळ आहे. या खेळाला प्रोत्साहन देणे नितांत गरजेचं असतं आणि तेच प्रोत्साहन सुजा क्लब एसकेपी क्लबचे इम्रान सर सह अन्य लोक देतात, खेळाडूंचे मनोबल वाढवतात हे काम कौतूकास्पद आहे. शुजा क्लब आणि एसकेपी क्लबच्या सर्व टिमचे अभिनंदन आणि आभार यावेळी संपादक शेख तय्यब यांनी मानले. बीड शहरासह जिल्हाभरातील फुटबॉल खेळाडूचे मनोबल वाढावं, त्यांचा सातत्याने सराव राहावा यासाठी एसकेपी व शुजा क्रिडामंडळ सातत्याने पुढाकार घेतेय.

या मंडळाचे इम्रान सर यांचा खेळाबद्दल आणि खेळाडूबद्दलचे असलेले प्रेम हे अवलौकीक असून त्यांच्या अथक प्रयत्नातून ही रिपोर्टर कप बीएफएल स्पर्धा सिझन 2 यशस्वी झाले. ही स्पर्धा यशस्वी करणार्‍यामध्ये जे प्रत्यक्ष अप्रत्यक्ष हात मदतीला धावले त्या सर्वांचे आभार मानत सायं.दै. बीड रिपोर्टरचे संपादक शेख तय्यब यांनी उपस्थितांना मार्गदर्शन केले.

काल या स्पर्धेचा अंतिम सामना अलमास युनायटेड आणि सॉफ्टेक यांच्यात झाला. हा सामना चित्तथरारक आणि चुरसीचा पहायला मिळाला. या सामन्यात अल्मास युनायटेड यांनी 2-0 ने जिंकला. सामना झाल्यानंतर प्रथम आणि द्वितीय संघाचे बक्षिस वितरण मान्यवरांच्या उपस्थितीत झाले.