शेख अनिसोद्दीन इनामदार यांचे निधन

By MahaTimes ऑनलाइन |

शहराच्या बालेपीर भागातील रोशनपुरा येथील रहिवाशी ज्येष्ठ नागरिक शेख अनिसोद्दीन इनामदार यांचे बुधवारी सकाळी साडेदहा वाजण्याच्या सुमारास वृध्दापकाळाने निधन झाले. ते 80 वर्षांचे होते.

दिवंगत शेख अनिसोद्दीन इनामदार हे धार्मिक व मनमिळाऊ स्वभावाचे होते. ते लोकसेना संघटनेचे प्रमुख प्रा. इलियास इनामदार यांचे वडील होते. मागील कांही महिण्यापासुन ते आजारी होते. आज सकाळी त्यांची प्राणज्योत मालवली.

सायंकाळी सहा वाजण्याच्या सुमारास  जनाजा नमाज अदा केल्यानंतर, बालेपीर दर्गाह मस्जीद कब्रस्तान येथे त्यांचा दफनविधी करण्यात आला. त्यांच्या पश्चात पत्नी, चार मुले, पाच मुली सुना-जावई, नात-नातवंडे असा मोठा परिवार आहे. इनामदार परिवारावर ओढावलेल्या दु:खात ‘महाटाईम्स’ परिवार सहभागी आहे.