शिक्षकांनी विद्यार्थ्यांना शंभर टक्के क्षमतेने प्रेरित करावे – श्रीकांत कुलकर्णी

सेवानिवृत्त शिक्षिका शकीला अलीमोद्दीन मुसा यांना निरोप, गणवेश कीट वाटप व वृक्षारोपण कार्यक्रम उत्साहात

By MahaTimes ऑनलाइन | बीड

मनातील भीती बाजुला सारून शिक्षकांनी विद्यार्थ्यांना शंभर टक्के क्षमतेने प्रेरित करावे. तसेच मुलांमधील क्षमता, आवड निवड ओळखून त्याप्रमाणे क्षमता विकसित कराव्यात. विद्यार्थ्यांना घडवताना वर्ग खोल्या,शाळा परिसर मुख्याध्यापक सह सर्व शिक्षकांनी स्वच्छ ठेवाव्या असे शिक्षणाधिकारी प्रा.जि.प.बीड मा.श्रीकांत कुलकर्णी म्हणाले.

भारतरत्न डॉ.बाबासाहेब आंबेडकर आदर्श शाळा जि.प.केंद्र अशोकनगर बीड येथे केंद्रस्तरीय शैक्षणिक आढावा बैठक, सेवानिवृत्त शिक्षकांना निरोप, गणवेश कीट वाटप व वृक्षारोपण कार्यक्रम घेण्यात आला. या बैठकीत शिक्षकांना मार्गदर्शन करतांना शिक्षणाधिकारी (प्रा.) कुलकर्णी यांनी मत व्यक्त केले.

सेवानिवृत्त झालेल्या शकीला अलीमोद्दीन मुसा सह शिक्षीका पेठबीड उर्दू, मोराळे विजू स.शि.गांधी नगर मराठी यांना निरोप देण्यात आला. तसेच शालेय मुलांना गणवेश कीट ड्रेस शुज सह देण्यात आले. तथा निसर्ग पर्यावरण संवर्धन संघटने तर्फे वृक्षारोपण करण्यात आले.सदर कार्यक्रमास गशिअ बीड मा. श्रीराम टेकाळे, शिविअ माटे सिद्धेश्वर, केंद्र प्रमुख फेरोज पठाण, मुख्याध्यापक काजी शमीम, शोभा कदम, आशा भारती, वर्षा कोरडे यांनी मत व्यक्त केले. कार्यक्रमांचे संचलन अन्वर खान व शेख मसुद यांनी तर आभार आलीया सिद्दीका यांनी तर नियोजन केंद्रीय मुख्याध्यापक शेख मुसा यांनी केले.

कार्यक्रम यशस्वी करण्यासाठी जफर खान, पाडूरंग उनवणे,प्रमोद ससाणे, मनिषा मोराळे सह सर्व घटक मुअ, शिक्षक तथा शारदा कुलथे ताई यांनी सहकार्य केले.