पिंपळगाव मजरा सेवा सोसायटी आ. संदीप क्षीरसागर यांच्या ताब्यात!

चेअरमनपदी मोहन खांडे व उपाध्यक्षपदी हरिराम खांडे बिनविरोध

By MahaTimes ऑनलाइन | बीड

बीड तालुक्यातील प्रतिष्ठेची समजली जाणारी पिंपळगाव मजराची सेवा सोसायटी आता पुन्हा ही सेवा सोसायटी आ. संदीप भैय्या क्षीरसागर यांच्या ताब्यात आली आहे. संचालक मंडळाची निवडणूक आज  बिनविरोध झाली. चेअरमनपदी मोहन खांडे यांची बिनविरोध निवड झाली तर उपाध्यक्षपद निवडीत हरिराम खांडे यांनी 13 पैकी 9 मते घेऊन विजय मिळवला.

गेल्या अनेक वर्षांपासून या सेवा सोसायटीवर राष्ट्रवादी काँग्रेस पक्षाचे वर्षस्व कायम असून सरपंच काशीनाथ खांडे यांच्या मार्गदर्शनाखाली गावकऱ्यांनी एकमुखाने आमदार संदीप भैय्या क्षीरसागर यांचे स्वीय सहायक माणिक खांडे यांचे वडील मोहन खांडे यांची संचालक पदी व नंतर चेअरमनपदी बिनविरोध निवड करून पूर्ण विश्वास टाकला आहे. पिंपळगाव मजरा ता .बीड सेवा सोसायटीच्या 13 जागांसाठी निवडणूक झाली. यात नारायण डुकरे हे सुरुवातीलाच बिनविरोध झाले. त्यांनंतर अटीतटीची निवडणूक होत असताना सर्वानुमते माणिक खांडे यांचे वडील मोहन खांडे यांच्या नावावर चेअरमन पदासाठी  एकमत होऊन शेवटच्या क्षणी संचालक मंडळाची निवडणूक बिनविरोध झाली. दि.10 जून रोजी चेअरमन पदाची निवड प्रक्रिया डी डी आर ऑफिस मध्ये पार पडली.

निवडणूक निर्णय अधिकारी म्हणून बिटकर, जाधव साहेब यांनी काम पाहिले. या बिनविरोध संचालक मंडळात हरिराम खांडे, मोहन खांडे, नारायण डुकरे, गोविंद खांडे, बंडू राऊत, शांताबाई सखाराम पडघम, कांताबाई रामराम खांडे यांचा समावेश आहे. गावचे सरपंच श्री. काशिनाथ आणा खांडे, उपसरपंच राजूसेठ खांडे, जेष्ठ मार्गदर्शक गणपत आबा खांडे, पंडित खांडे, नवनाथ आणा खांडे, पुष्पल नाना खांडे, अनिल खांडे, रमेश पडघम, हरीचंद्र खांडे, संदीपन दादा खांडे, श्रीकृष्ण खांडे, सखाराम खांडे, बालनाथ खांडे आदींनी निवडून आलेल्या सर्व संचालक मंडळाचा सत्कार करून शुभेच्छा दिल्या आहेत.

उपाध्यक्ष निवडीत 13 पैकी मिळाली 9 मते

मोहन खांडे यांची चेअरमन पदी बिनविरोध निवड झाल्यानंतर उपाध्यक्ष पदासाठी  निवडणूक झाली. यावेळी हरिराम खांडे यांना 13 पैकी 9 मते मिळाली आणि त्यांची पुन्हा व्हाईस चेअरमन पदी निवड झाली आहे.

आ.संदीप भैय्या क्षीरसागर यांनी केले अभिनंदन

पिंपळगाव मजरा ता. बीड सेवा सोसायटीतील सर्व संचालक आणि नुतून चेअरमन मोहन खांडे, व्हाएस चेअरमन हरिराम खांडे, सरपंच काशीनाथ आणा खांडे यांचे आ. संदीप भैय्या क्षीरसागर यांनी अभिनंदन केले असून उपनगराध्यक्ष हेमंत क्षीरसागर यांनी सर्वांचा सत्कार करून शुभेच्छा दिल्या आहेत.