‘बलभीम’ च्या अदनान शेख चे बारावी परिक्षेत घवघवीत यश, सर्वत्र अभिनंदनाचा वर्षाव

By MahaTimes ऑनलाइन | बीड

बलभीम महाविद्यालयाने उज्वल यशाची परंपरा कायम राखत यावर्षीही इयत्ता बारावीचा घवघवीत निकाल लागला आहे. विज्ञान शाखेचा विद्यार्थी शेख अदनान अब्दुल रहीम हा 83.83 टक्के गुण घेवून उत्तीर्ण झाला आहे.

महाराष्ट्र राज्य माध्यमिक व उच्च माध्यमिक शिक्षण मंडळ पुणे यांच्या वतीने मार्च/एप्रिल 2022 मध्ये घेण्यात आलेल्या उच्च माध्यमिक प्रमाणपत्र परिक्षेचे निकाल नुकतेच जाहीर झाले आहेत. सदर निकालामध्ये बलभीम महाविद्यालयात शिकत असलेला अदनान ने दैदिप्यमान यश संपादन केले आहे. ‘बलभीम’ च्या अदनान शेख याने विज्ञान शाखेतून एकूण 600 पैकी 503 गुण प्राप्त झाले आहे.

अदनानला आता यापुढे वैद्यकीय शिक्षण घेण्याची इच्छा आहे. त्यादृष्टीने तो अभ्यास करत असुन त्याच्या या यशाबद्दल स्थानिक नियामक मंडळ अध्यक्ष मा.श्री.अमरसिंह पंडित, बलभीम महाविद्यालयाचे प्राचार्य, प्राध्यापक, आई वडिल, समाजातील प्रतिष्ठीत नागरिक यांनी अभिनंदन करून पुढील वाटचालीस शुभेच्छा दिल्या आहेत.