MahaTimes विश्व मानवाधिकार परिषदेचे राष्ट्रीय अधिवेशन पुण्यात संपन्न
By MahaTimes ऑनलाइन | पुणे
विश्व मानवाधिकार परिषद मानवी हक्क व अधिकारांचे रक्षण करण्यासाठी सदैव तत्पर आहे. देशभरात जनजागृती मोहीम राबविण्यात आली असून या पुढे ही समाजाचे प्रबोधन करण्याचे काम सुरू राहील असे विचार विश्व मानवाधिकार परिषदेचे राष्ट्रीय अध्यक्ष डॉ.एम.आर.अन्सारी यांनी मांडले.
विश्व मानवाधिकार परिषद म्हणजेच वर्ल्ड ह्यूमन राइट्स कौन्सिल, या मानवी हित आणि मानवी हक्कांच्या रक्षणासाठी आणि लोकांच्या हक्कांसाठी नेहमीच काम करणारी संस्थेचे, पुणे येथील डॉ. शेख असेंब्ली हॉल आजम कॅम्पस येथे राष्ट्रीय परिषद आणि पुरस्कार समारंभ संपन्न झाला. पुण्यातील प्रसिद्ध सामाजिक व्यक्तिमत्व शिक्षण महर्षी पी.ए. इनामदार यांच्या अध्यक्षतेखाली झालेल्या या सोहळ्याला प्रमुख पाहुणे म्हणून स्वामी अमन महाराज आणि पुणे शहरातील विविध सामाजिक व राजकीय मान्यवर उपस्थित होते. समारंभ अद्भूत आणि ऐतिहासिक ठरला.
विश्व मानवाधिकार परिषदेचे राष्ट्रीय उपाध्यक्ष आणि कार्याध्यक्ष मौलाना अन्वर-उल-हक यांनी संस्थेच्या कार्याचा सविस्तर अहवाल सादर केला. त्यांनी सांगितले की, देशात कोरोनाच्या काळात मोफत दफन आणि अंत्यसंस्कार व्यवस्था करण्यात आली, एक हजाराहून अधिक निरपराध लोकांचे खटले लढवण्याचे काम जागतिक मानवाधिकार परिषद करत आहे, उत्तर प्रदेश, दिल्ली, पंजाब, मुंबई येथे मोफत कायदेशीर मदत केंद्रे स्थापन करण्यात आली आहेत. लवकरच इतर राज्यांमध्येही मोफत कायदेशीर मदत केंद्रे सुरू करण्यात येणार आहेत. उत्तर प्रदेश, दिल्ली येथील तुरुंगात कैद्यांना गरजेच्या सर्व वस्तू देण्यात आल्या. मानवी हक्कांच्या रक्षणासाठी देशभरात जनजागृती मोहीम राबविण्यात आली, विश्व मानवाधिकार परिषद लवकरच अशा लोकांची देशभरातील तुरुंगातून सुटका करणार आहे, ज्यांना न्यायालयात दंड ठोठावण्यात आला आहे आणि ते लोक दंड न भरल्यामुळे तुरुंगात आहेत, त्यांचा दंड भरले जाईल.
या समारंभात विश्व मानवाधिकार परिषदेचे राष्ट्रीय अध्यक्ष आदरणीय डॉ.एम.आर.अन्सारी, मुख्य सल्लागार आय ए एस जामा, राष्ट्रीय उपाध्यक्ष मौलाना अन्वर-उल-हक, राष्ट्रीय मुख्य सचिव प्रसून गोस्वामी, सरचिटणीस अधिवक्ता मेराज अन्सारी, महाराष्ट्र प्रदेश अध्यक्ष हाजी सय्यद लइक, शेख हमीदुल्ला, आंध्र प्रदेशचे शेख मुजफ्फर अली, अन्वर खान, छत्तीसगडचे नियाझ खान, पश्चिम बंगालचे मोस्मी भट्टाचार्य, एसके सिराज उल हसन, सलाहुद्दीन गौरी, एमडी मारूफ, श्री राम, हाजी फैज शेख, डॉ परवीन, नमशान अन्सारी राजस्थान, जम्मू-काश्मीर बलराम. शर्मा, मध्य प्रदेशातून मोईन अख्तर खान, मोहम्मद नईम, एस.के. रहमान, तेलंगणातून मोहम्मद अली, पंजाबचे डॉ.एस.के. कंबोज, महाराष्ट्रातून राज्य सचिव डॉ.सिराज खान आरजू,मराठवाडा अध्यक्ष एडोकेट सय्यद साजेद, नावेद शेख, श्री.चव्हाण, सय्यद शोएब, शेख आखिब आदि मान्यवर उपस्थित होते.
या समारंभात देशभरातील विविध सामाजिक संस्थांना तसेच आपापल्या क्षेत्रात उल्लेखनीय कार्य करणाऱ्या विविध मान्यवरांना सन्मानित करण्यात आले. या कार्यक्रमात मानवाधिकारांचे हित जपण्यास इच्छुक मोठ्या संख्येने उपस्थित होते.
