महावितरण चे वरिष्ठ तंत्रज्ञ शेख मुनीर आणि वजाहत अहमद यांचा गौरव

वीज पुरवठा सुरळीत ठेवण्याबरोबरच तब्बल 20 लाखांचे थकीत वीज बील वसुली केली

By MahaTimes ऑनलाइन – बीड |

महावितरणच्या बीड शहर पथक -3 येथे सन 2021 ते 2022 या कालावधित वरिष्ठ तंत्रज्ञ शेख मुनीर आणि वजाहत अहमद यांनी वरिष्ठांनी सोपवलेली जबाबदारी पूर्ण प्रामाणिकतेने पार पाडली. तांत्रिक बाबींवर मात करीत वीज पुरवठा सुरळीत ठेवण्याबरोबरच 28 लाखांपैकी तब्बल 20 लाखांचे वीज बील वसुली करीत उत्कृष्ट काम केले आहे. या कामाची नोंद घेत बुधवारी (दि. 20) महावितरण शहर उपविभाग कार्यालय तर्फ गुणगौरव 2022 आयोजित कार्यक्रमात त्यांचा महावितरण चे कार्यकारी अभियंता श्री वाय. बी. निकम साहेब व अति कार्यकारी अभियंता श्री सुयोग पाटणकर साहेब यांच्या हस्ते प्रशस्तीपत्र देउन गौरविण्यात आले.

या गुणगौरव 2022 सोहळ्यात इतर पथकातील उत्कृष्ट कार्य करणाऱ्यांना गौरविण्यात आले. बीड शहरातील पथक क्र 3 मधील सन्मानित करण्यात आलेले वरिष्ठ तंत्रज्ञ शेख मुनीर आणि वजाहत अहमद यांनी आपल्या कार्यक्षेत्रात 19 डीटीसी (डिपी) देखरेख, मेंटेनन्स ची जबाबदारी उत्कृष्टरित्या पार पाडीत अवघ्या कांही दिवसांत स्थिती सुरळीत केली. वारंवार उद्भवणाऱ्या तांत्रिक बाबींवर मात करीत वीज पुरवठा सुरळीत ठेवण्याचे आव्हान लिलया पेलले. दरम्यान मेंटेनन्स, लाईन दुरुस्ती, बॉक्स दूरूस्ती, लोड बॅलन्स करून अखंडित वीज पुरवठा सूरू केला. याशिवाय कोरोना काळात विविध छोट्या-मोठ्या ग्राहकांकडे तब्बल 28 लाख रूपयांचे वीज बिल बाकी होते.

आपल्या उद्दीष्टपूर्तिच्या ध्येयाने पेटलेल्या या कर्मचाऱ्यांनी पोल टू पोल सर्विस टू सर्विस सर्वे करून ग्राहकांचे बिल दूरु स्ती करु न फॉल्टी, खराब, जूने सर्व मिटर बदलून ज्या ग्राहकांना बिल भेटत नव्हते त्यांचे रूट सिकवेंन्स दूरूस्ती करून ग्राहकांचे समाधान केले. यामुळे ग्राहकांच्या तक्रारित मोठी घट झाली. त्याच बरोबर ग्राहकांचा विश्वास संपादन करीत त्यांना त्यांच्या जबाबदारीची जाणीव करीत वारंवार भेटी घेउन त्यांना थकीत वीज बिल भरण्यासाठी प्रोत्साहित केले. महावितरण कंपनीच्या पथक क्र 3 अंतर्गत तब्बल 28 लाखांची वीज बिल थकीत होते. त्यांनी जनमित्र ची भूमिका निभावत कोणत्याही प्रकारच्या वाद न उदभवू देता काका, दादा, भाऊ म्हणत यापैकी अवघ्या कांही दिवसांत 20 लाखांची वीज बील वसुली करीत उत्कृष्ट कामगिरी केली आहे. सध्या चालू डिमांड सह केवळ 8 लाख रूपयांवर बाकी येऊन ठेपली आहे. या कामगिरीची दखल घेत महावितरण कंपनीच्या वरिष्ठ अधिकाऱ्यांनी बुधवारी शहरातील एक सभागृहात कार्यक्रम आयोजित कार्यक्रमात प्रशस्तरपत्र व विशेष कामगिरी म्हणून वरिष्ठ तंत्रज्ञ शेख मूनीर शेख रहीम आणि वजाहत अहमद यांना सम्मानित करण्यात आले. या कार्यक्रमास अभियंता पी.यू. मिसाळ, अभियंता यू. डी. कस्बे, अभियंता ए.बी. शिंदे आदि सह महावितरण चे अन्य अधिकारी उपस्थित होते.

…तर महावितरण ची प्रतिमा उंचावतील -निकम, पाटणकर

या सत्कार समारंभात कार्यकारी अभियंता श्री निकम साहेब व अति.कार्यकारी अभीयंता श्री पाटणकर साहेब यांनी उत्कृष्ट कार्य करणा ऱ्या कर्मचाऱ्यांचा सत्कार करून त्याची पाठ थोपटली. भविष्यात कर्मचारी अशीच कामगिरी करावी आणि महावितरण चे नाव रौशन करावे अश्या शुभेच्छा दिल्या. या कार्यक्रमात इतर पथकातील कर्मचाऱ्यांचा सत्कार करण्यात आला. याप्रसंगी महाविरण चे अधिकारी, कर्मचारी मोठ्या संख्यने उपस्थित होते.