रेखाताई क्षीरसागर अनंतात विलीन

अंत्यदर्शनाला लोटला जनसागर : साश्रूनयनांनी दिला अखेरचा निरोप!

By MahaTimes ऑनलाइन – बीड |

बीड विधानसभा मतदारसंघाचे आमदार संदीप क्षीरसागर यांच्या मातोश्री आणि गजानन सहकारी कारखान्याचे चेअरमन रविंद्र क्षीरसागर यांच्या पत्नी रेखाताई रवींद्र क्षीरसागर यांचे काल बुधवारी सायंकाळी निधन झाले होते. त्यांच्या पार्थिवावर गुरूवारी (दि. 21) रोजी सकाळी साडेआकराच्या सुमारास नवगण राजुरी येथे अंत्यसंस्कार करण्यात आले. आपल्या नेत्यास अखेरचार निरोप देण्यासाठी जनसागर लोटला होता. उपस्थितांनी त्यांना आश्रूनयनाने अखेरचा निरोप दिला.

दिवंगत रेखाताई क्षीरसागर यांचा स्वभाव अध्यात्मिक व अतिशय प्रेमळ असल्यामुळे त्या सर्वदूर परिचित होत्या. बीड शहरातील निवासस्थानावरून त्यांची अंतिम यात्रा राजुरी कडे रवाना झाली. टाळ व मृदंगाच्या जयघोषात ही अंत्ययात्रा राजुरी येथे पोहोचली. जेष्ठ सुपुत्र संदीप क्षीरसागर यांनी मुखाग्नी दिला.

याप्रसंगी क्षीरसागर परिवारातील सर्व सदस्यासह पालकमंत्री धनंजय मुंडे, माजी मंत्री जयदत्त क्षीरसागर, माजी नगराध्यक्ष डॉ.भारतभूषण क्षीरसागर, माजी आमदार सिराज देशमुख, माजी आमदार जनार्दन तुपे, विलास विधाते, फारुख पटेल, आ. प्रकाश सोळंके, आ. विनायक मेटे, आ. बाळासाहेब आजबे, आ. संजय दौंड, माजी आ. अमरसिंह पंडीत, प्रभारी जिल्हाधिकारी तुषार ठोंबरे, प्रभारी पोलिस अधीक्षक सुनील लांजेवार, जिल्हा शल्यचिकित्सक डॉ.सुरेश साबळे, मा. आ. पृथ्वीराज साठे, मा. आ.सुनील धांडे, मा. आ.सय्यद सलीम, मा. आ. उषाताई दराडे, मा. आ. सुरेश नवले, माजी शिवसेना जिल्हाप्रमुख कुंडलिक खांडे, अशोक डक, धाजित पंडित, रमेश आडसकर, शिवसेना जिल्हाप्रमुख अनिल जगताप, भाजपा जिल्हाध्यक्ष राजेंद्र मस्के, राष्ट्रवादी कांग्रेस चे जिल्हाध्यक्ष राजेश्वर चव्हाण, पप्पु कागदे, रामकृष्ण बांगर, अशोक हिंग, अ‍ॅड. शेख शफीक, अक्षय मुंदडा, रमेश आडसकर, सुशीलाताई मोराळे, सर्जेराव तांदळे, बाळासाहेब पिंगळे, गवते बापू, मदन जाधव आदींसह नातेवाईक, कार्यकर्ते, नागरिक सह जिल्हाभरातील मान्यवरांनी अंत्यदर्शन घेऊन श्रद्धांजली अर्पण केली.

दरम्यान पालकमंत्री धनंजय मुंडे सह मान्यवरांनी रवींद्र क्षीरसागर, आमदार संदीप क्षीरसागर सह परिवाराचे सांत्वन केले.