अज्ञात वाहनाच्या धडकेत बिबट्याचा जागीच मृत्यु

By MahaTimes ऑनलाइन – बीड |

गेवराई शहराच्याजवळ रस्ता ओलाडत असतांना बिबट्याचा अज्ञात वाहनाच्या धडकेत जागीच मृत्यु झाल्याची घटना शनिवारी सांयकाळी 7.30 च्या सुमारास घडली आहे.

सोलापुर- धुळे राष्ट्रीय महामार्ग गेवराई बायपास वरील भारत पेट्रोलियम पंपासमोर घटना घडली. अज्ञात वाहनाची धडक बसताच आजूबाजूच्या नागरिकांनी बिबटयाला तात्काळ पाणी पाजण्यासाठी प्रयत्न केला मात्र तोपर्यंत तो गतप्राण झाला होता.

पोलीस उपनिरीक्षक प्रफुल्ल सावळे यांनी तात्काळ घटनास्थळी भेट दिली. वनविभागाचे पथक घटनास्थळी थोड्यावेळात दाखल होणार असल्याची माहिती आहे. घटनास्थळी नागरिकांनी मृत बिबट्याला पाहण्यासाठी गर्दी केली आहे.