हिंदी विषयाच्या विद्यार्थ्यांंना बँकिंग क्षेत्रात रोजगाराच्या संधी – सदाफुले पी.एस.

By MahaTimes ऑनलाइन – बीड |

जयभवानी शिक्षण प्रसारक मंडळ संचलित कला व विज्ञान महाविद्यालय शिवाजीनगर गढी, च्या हिंदी विभागाच्या वतीने दि.12 एप्रिल 2022 रोजी बँक ऑफ महाराष्ट्र शाखा गढी येथे हिंदी अभ्यास सहलीचे आयोजन करण्यात आले होते. हिंदी विभागाच्या विद्यार्थ्यांसाठी अध्ययन उपक्रमांतर्गत बँक ऑफ महाराष्ट्र शाखा गढी येथे अभ्यास भेट देऊन बँके अंतर्गतचालणाऱ्या कामकाजाची माहिती घेण्यात आली.

याप्रसंगी श्री सदाफुले साहेब, शाखा व्यवस्थापक यांनी महाविद्यालयीन युवक-युवतींना हिंदी विषयाच्या विद्यार्थ्यांंना बँकिंग क्षेत्रातील रोजगाराच्या संधी, डिजिटल बँकिंग विषयी मार्गदर्शन केले व शुभेच्छा दिल्या. उपशाखा प्रबंधक श्री सतीश कायदे यांनी बँकेच्या विविध योजनांची माहिती देऊन बँकेचे कामकाज कशा पद्धतीने चालते याविषयी माहिती दिली. त्याचबरोबर एटीएम मशीनचा प्रत्यक्ष वापर कसा करावा याविषयी प्रात्यक्षिक करून दाखविले.

या वेळी बँकेचे कर्मचारी श्री भालेराव, श्रीमती श्रद्धा कोरडे, श्री शाम गुजर यांनी बँकेचे कामकाज समजून सांगितले व विद्यार्थ्यांच्या प्रश्नांची ही उत्तरे दिली. विद्यार्थ्यांमध्ये व्यवहारिकता गुण विकसित होऊन आत्मविश्वास निर्माण व्हावा यासाठी महाविद्यालयाचे प्राचार्य डॉ.सदाशिव सरकटे यांच्या मार्गदर्शनाखाली अभ्यास भेटीचे आयोजन करण्यात आले होते.

या प्रसंगी अभ्यासार्थी यांना हिंदी विषयाच्या विद्यार्थ्यांंना बँकिंग क्षेत्रातील असलेल्या रोजगाराच्या संधी व त्यासाठी करावी लागणारी तयारी या विषयी सविस्तर अशी माहिती देवून शुभेच्छा दिल्या. ही अभ्यास सहल यशस्वी होण्यासाठी हिंदी विभागाचे प्रा. डॉ. संतोषकुमार यशवंतकर व प्रा.हिरा पोटकुले यांनी प्रयत्न केले. या सहलीमध्ये विद्यार्थी व विद्यार्थिनी बहुसंख्येने सहभागी झाले होते.