MahaTimes By MahaTimes ऑनलाइन – बीड |
परळी येथील दिल्ली वर्ल्ड पब्लिक स्कूलने नविन शैक्षणिक वर्षाच्या पहिल्या दिवशी बुधवार दि 6 एप्रिल रोजी स्वाताहा शिक्षकांनी सर्व विद्यार्थ्यांचे गुलाबांचे पुष्प देवून मनोभावे स्वागत केले. शाळेच्या पहिल्या दिवशीच चिमुकल्यांच्या चेहऱ्यावर आनंदाचे भाव पहायला मिळाले.
दिल्ली वर्ल्ड पब्लिक स्कूलने शाळेच्या प्रांगणात स्वाताहा शिक्षकांनी सर्व विद्यार्थ्यांचे मनोभावे स्वागत केले. आज बऱ्याच दिवसानंतर स्कूलमध्ये विद्यार्थ्यांचा गजबजाट पाहायला मिळाला. अनेक विद्यार्थी आपल्या मित्रांना दोन वर्ष भेटू शकले नाहीत. विद्यार्थ्यामध्ये एकमेकांना भेटण्याची उत्सुकता दिसून आली. विद्यार्थ्यांची उपस्थिती पाहून शिक्षकांचे मन भरून आले व यापुढे कोरोनाच्या कारणावरून विद्यार्थ्यांचे शैक्षणिक नुकसान होऊ नये अशी प्रभू वैद्यनाथाच्या चरणी प्रार्थना केली.
विवेकानंद वेलफेअर सोसायटीच्या अध्यक्षा सौ. उषाताई किरण गित्ते यांनी सर्व विद्यार्थांचे मनःपूर्वक स्वागत केले व पुढील शैक्षणिक कार्यासाठी शुभेच्छा दिल्या. यावेळी शाळेचे मुख्याध्यापक तेजेश कुमार शाळेचे सर्व शिक्षक, शिक्षीका व शिक्षकेतर कर्मचारी उपस्थित होते.
