कार राक्षसभुवन जवळील उजव्या कालव्यात कोसळली !

नशीब बलवत्तर औरंगाबाद येथील बांगर परिवार सुखरूप

By MahaTimes ऑनलाइन – बीड |

गेवराई तालुक्यातील राक्षसभुवन जवळील वळणावर कार उजव्या कालव्यात जावुन कोसळली. औरंगाबाद येथील अ‍ॅड. अविनाश बांगर व त्यांचे कुटुंब बालंबाल बचावले. या घटनेत कार मधील कोणालाही दुखापत झाली नाही.

अधिक माहिती अशी की, अ‍ॅड. अविनाश बांगर व त्यांचे कुटुंब हे शनिवार रोजी सकाळी पाहुण्यांच्या दहाव्याच्या कार्यक्रमा निमित्त राक्षसभुवन येथे आले होते.  कार्यक्रम आटपुन ते दुपारी दोनच्या सुमारास वाहन (एम.एच 20 एफ.वाय 3302 ) ने राक्षसभुवन फाट्याकडे येत असतांना राक्षसभुवन जवळील रस्त्यावरील वळणावर वाहन उजव्या कालव्यात जावुन कोसळली. मात्र यात सुदैवाने कोणालाही काहीही झाले नाही.

दरम्यान याचवेळी गेवराईचे तहसीलदार  व बाळासाहेब पखाले, विठ्ठल आम्लेकर येथुन जात असतांना त्यांनी तातडीने कालव्यात उतरून गाडीतील नागरिकांना बाहेर काढले. घटनास्थळी नागरिकांनी मोठी गर्दी केली होती.