डॉ. नुरअहमद कारंजे यांना मानाचा भारत भूषण राष्ट्रीय सम्मान पुरस्कार

निती आयोग भारत सरकार व नॅशनल अँटि हरासमेंट फाउंडेशन,भोपाल मध्यप्रदेश यांच्या वतीने गौरव

By MahaTimes ऑनलाइन |

नवी दिल्ली : सोलापुर चे भूमिपुत्र डॉ. नुरअहमद बशीर कारंजे यांना भारत भूषण राष्ट्रीय सम्मान 2023 हा मानाचा पुरस्कार महाराणा प्रताप नगर,भोपाल मध्यप्रदेश येथे अलीशान समारंभात नुकताच प्रदान करण्यात आला आहे. ही बाब सोलापुर जिल्हावासी व शिक्षण क्षेत्रासाठी अभीमानाची बाब आहे.

निती आयोग भारत सरकार व नॅशनल अँटि हरासमेंट फाउंडेशन,भोपाल मध्यप्रदेश यांच्या वतीने देण्यात येणारा भारतातील मानाचा भारत भूषण राष्ट्रीय पुरस्कार 2023 रविवारी (दि.17) रोजी भारताचे एअर चीप कमांडर मा. सलीम अख्तर साहेब, बॉलीवुड एक्टर मा.रमेश गोयल साहेब, फिल्म डायरेक्टर सुनील चौरसिया साहेब, आसामच्या भाजपा माहिला प्रदेश अध्यक्ष तथा समाज सेविका मा. खुशबु सिंग आदींच्या शुभहस्ते डॉ. नुरअहमद बशीर कारंजे, यशोधरा प्रशाला, सोलापूर यांना आदित्य रेसिडेन्सी , महाराणा प्रताप नगर,भोपाल मध्यप्रदेश येथे प्रदान करण्यात आला. तसेच सेमिनार मध्ये सहभाग घेण्याचा मान मिळाला.

हा पन्नासावा पुरस्कार

डॉ. नुरअहमद बशीर कारंजे यांना आतापर्यंत चार आंतरराष्ट्रीय, 22 राष्ट्रीय,16 राज्यस्तरीय व इतर असे एकुण 50 पुरस्कार मिळालेले आहे. याशिवाय त्यांनी विविध ऑनलाईन क्यूज व कोर्सेस करून 1585 प्रमाणपत्र मिळविले आहेत. याची नोंद चार वर्ड बुक ऑफ रेकॉर्ड मध्ये झालेली आहे.