MahaTimes सीरत उन-नबी, इस्लाह मुआशरा (सामाजिक सुधारणा) मोहिमेला बळ देण्याचा निर्णय पारित
By MahaTimes ऑनलाइन |
बीड : जमियत उलमा ए हिंद मराठवाडा च्या वतीने पात्रूड (ता. माजलगाव ) शरीफ येथे एकदिवसीय बैठक संपन्न झाली. या बैठकीत सीरत उन-नबी, इस्लाह मुआशरा (सामाजिक सुधारणा) मोहिमेला बळ देण्याचा निर्णय घेण्यात आला. यात जमियत सदभावना समित्या, दीनी तालिमी बोर्ड आणि जमियत युनिट्सची स्थापनेचा प्रामुख्याने समावेश राहणार आहे.
या बैठकीच्या अध्यक्षस्थानी जमियत उलमा ए हिंद चे प्रदेशाध्यक्ष मौलाना हाफीज मुहम्मद नदीम सिद्दीकी होते. हा एकदिवसीय कार्यक्रम येथील मनसबदार फंक्शन हॉल मध्ये पार पडला. यामध्ये मराठवाड्यातील सर्व जिल्ह्यांमधील जमियत चे पदाधिकारी व कार्यकर्ते मोठ्या संख्येने उपस्थित होते. यावेळी महत्त्वाच्या बाबींवर चर्चा करण्यात आली. सूचना स्वीकारण्यात आल्या. यावेळी मौलाना हाफिज मुहम्मद नदीम सिद्दीकी यांनी जमियत उलमा ए हिंदने देशासाठी केलेल्या त्याग आणि सेवेचा उल्लेख केला. सदभावना समित्यांची स्थापना आणि बळकटीकरणाकडे लक्ष वेधले.
मुफ्ती अब्दुर्रहमान नैगावी यांनी आपल्या भाषणात जमियत उलमाची मूलभूत कार्ये, तिची धोरणे, त्यातील सुधारणा यावर प्रकाश टाकला. सध्याच्या परिस्थितीत बंधुत्वाने देशाशी जवळीक साधली पाहिजे. धर्म-ओ-इमान साठी जमियत सदभावना मंचची स्थापना ही काळाची गरज असल्याचे म्हटले. मौलाना आबाद अलजबर मझहरी म्हणाले की, सीरत नबवी (स.) ची गरज प्रत्येक युगात होती आणि शेवटपर्यंत राहील. आपल्याला नैतिक आनंद पसरवण्याची गरज आहे. कारी शम्स उल-हक म्हणाले की, इत्तिबा सुन्नत आणि सुधारल्याशिवाय कोणताही समाज प्रगती करू शकत नाही. मुसलमानांच्या सततच्या अपयशाचे खरे कारण म्हणजे मुस्लिमांनी इस्लामिक जीवनपद्धती सोडून दिली आहे. पठाण तहव्वूर खान म्हणाले की, सध्याच्या परिस्थितीत चिंताग्रस्त आणि निराश होण्याऐवजी आपण कठोर, विवेकपूर्ण आणि जबाबदारीच्या भावनेने काम करणे आवश्यक आहे.
मौलाना मुफ्ती मुहम्मद रोशन शाह कासीमी यांनी अस्लाफ-ओ-अकाबीरीनच्या घटनेच्या प्रकाशात दीनी तालीम आणि मकातीबच्या स्थापनेच्या गरजेकडे लोकांचे लक्ष वेधून घेताना सांगितले की, प्रत्येक कार्यकर्त्याने स्वत: भान ठेवावे. आत्मसाक्षात्कार आणि उत्तरदायित्व विकसित करण्याची गरज आहे. हजरत मौलाना हबीब अल रहमान कासीमी यांच्या सेवेत खिराज-ए-अकीदत सादर करण्यात आली.
कारी शम्स-उल-हक कासीमी यांची जमियत उलमा ए हिंद चे मराठवाडा अध्यक्षपदी नियुक्ती करण्यात आली. मुज्तबा खान सर यांची उपाध्यक्षपदी आणि मुफ्ती अब्दुर्रहमान अनेगावी यांची सरचिटणीसपदी नियुक्ती करण्यात आली. हाफिज मुहम्मद आसिफ यांनी क़ुरआन ए पाकचे पठण केले. कारी साद बिन अस्लम यांनी नात पाक, मौलाना मुईजुउद्दीन फारुकी नदवी यांनी नात पाक सादर करून बैठकीची सुरुवात केली. मौलाना आबाद अलजलील ताबीश मिल्ली, मुफ्ती अब्दुर्रज्जाक यांनी संपूर्ण बैठकीचा अहवाल सादर केला. हाफिज मुहम्मद अस्लम यांनी तराना जमियत, मौलाना सज्जाद कासीमी-ओ-हाफिज मस्तान यांनी नात शरीफ सादर केली. मुफ्ती हम्माद कासीमी यांनी सुत्रसंचालन केले.
या बैठकीला राज्यभरातील व मराठवाड्याच्या सर्व भागातील व तालुक्यांतील पदाधिकारी व कार्यकर्ते मोठ्या संख्येने उपस्थित होते. कार्यक्रमाचे अध्यक्ष मौलाना हाफिज मुहम्मद नदीम सिद्दीकी यांनी उपस्थित सर्वांचे व आयोजन कमिटीचे आभार मानले. त्यांच्या प्रार्थनेने शेवटी बैठक संपन्न झाली. ही बैठक यशस्वी करण्यासाठी जमियत उलमा ए हिंद चे माजलगाव तालुक्याचे सर्व पदाधिकारी व कार्यकर्त्यांनी परिश्रम घेतले.