प्रशासनाकडून नोटीस : धाकामुळे विष प्राशन

प्रकृती चिंताजनक, तिव्र संताप : मंगळवारी पप्पू कागदे यांच्या नेतृत्वाखाली मोर्चा

By MahaTimes ऑनलाइन |

बीड : शहरातील इंदिरानगरसह विविध भागातील रहिवाशांना घरे तोडण्यासाठी नोटीस देण्यात आलेल्या आहेत. अगोदरच गरिबी आणि कर्ज काढून बांधलेले घर तोडण्याच्या देण्यात आलेल्या नोटीसांचा धाक घेऊन इंदिरानगर बीड येथील रहिवाशी भारत विठ्ठल आवचार वय 55 वर्ष धंदा मजुरी यांनी बुधवार (दि.१४) जून रोजी पहाटे विष प्राशन करून आत्महत्येचा प्रयत्न केला. या प्रकारास जिल्हा प्रशासन जबाबदार असून सर्वस्वी जबाबदारी जिल्हा प्रशासनाची आहे.

भारत आवचार यांच्यावर जिल्हा रुग्णालयातील आयसीयूमध्ये उपचार आहेत. त्यांची प्रकृती चिंताजनक असून शासनाने घेतलेल्या निर्णयामुळे व तहसीलदार यांनी घर धारकांना सोडलेल्या नोटीसांच्या धाकामुळे घर धारकावर आत्महत्या करण्याची वेळ आली आहे. भारत आवचार यांची प्रकृती चिंताजनक असून घर तोडण्याच्या नोटीसांच्या धाकाने विष प्राशन करून आत्महत्या करण्याच्या प्रयत्नाचा इंदिरानगर भागातील रहिवाशांमध्ये संताप व्यक्त केला जात आहे.

प्रशासनाच्या विरोधात ‘रिपाइं’ आवाज उठविणार

प्रशासनाच्या विरोधात याप्रकरणी रिपाइं वतीने मंगळवार (दि.२०) जून रोजी निघणाऱ्या मोर्चात युवा रिपाइं प्रदेशाध्यक्ष पप्पू कागदे यांच्या नेतृत्वाखाली प्रशासनाच्या विरोधात आवाज उठविण्यात येणार आहे.