गॅस टाकीचा भीषण स्फोट!

एक ठार; चार जण जखमी

By MahaTimes ऑनलाइन |

बीड : एका घराला अचानक आग लागुन गॅसटाकीचा भीषण स्फोट झाला. या घटनेत एक युवक ठार झाला तर एका महिलेसह चार जखमी झाले. ही दुर्देवी घटना मंगळवारी (दि. 9) रात्री 9.30 च्या सुमारास परळी शहरातील बरकत नगर येथे घडली.

प्राथमिक माहितीनुसार हा विस्फोट एवढा भीषण होता ही घटनास्थळी उभा आदिल उस्मान शेख (14 वर्ष) हा गंभीर जखमी होउन ठार झाला. तर शमशाद बी सय्यद हकीम, शेख आवेस गौस व अन्य दोन जण जखमी झाले. या जखमीं पैकी दोघांवर पररळी उपजिल्हा रु ग्णालयात तर अन्य दोघा जणांवर खाजगी रूग्णालयात उपचार सुरू आहेत.

अधिक माहिती अशी की, बरकत नगर मधील एका घराच्या बाजूला आग लागली होती. आगीने रौद्ररूप धारण केले. या आगीने शेजारील बंद असलेल्या खोलीस आपल्या कवेत घेतले. सदर खोलीत ठेवलेल्या गॅस टाकीचा स्फोट होउन ही दुर्दैवी घटना घडली. या घटनेने शहरात हळहळ व्यक्त केली जात आहे.