खाजगी बसची दुचाकीला धडक; दोन जण ठार

दुचाकीचा चुराडा; एका मयताचे डोके धडा वेगळे

By MahaTimes ऑनलाइन |

बीड : पुण्याकडे जाणाऱ्या भरधाव खाजगी बसने समोरून येणाऱ्या दुचाकीला जोराची धडक दिली. यात दुचाकीवरील दोघांचा जागीच मृत्यू झाला. हा अपघात बुधवाऱी सांगवी नदीवरील पुलावर जवळ घडला. या अपघात तील मृतांची ओळख अद्याप पटलेली नाही.

जिल्ह्यात नांदेड येथून पुण्याकडे जाणारी खाजगी बस (क्रमांक एम एच 24 / एफ 7576) केजकडे येणाऱ्या दुचाकीस (क्रमांक एम एच 25 / जे 2856) ला सांगवी नदीवरील पुलावर समोरासमोर जोराची धडक दिली. अपघात एवढा भयंकर होता की, दुचाकीचा बस खाली येऊन चुराडा झाला. एका मयताचे डोके धडा पासून वेगळे झाल्याचे सांगण्यात आले.

दरम्यान, अपघाताची माहिती मिळताच पोलीस निरीक्षक बाळासाहेब पवार, पोलीस उप निरीक्षक वैभव सारंग व इतर पोलीस कर्मचाऱ्यांनी घटनास्थळी धाव घेत पंचनामा केला. हे वृत्त लिहीपर्यंत गुन्हा दाखल झाला नव्हता.