बीडमध्ये मंत्री रामदास आठवलेंचे जंगी स्वागत

पप्पू कागदेंच्या नियोजनातून बीड नगरीमध्ये जंगी स्वागत

By MahaTimes ऑनलाइन |

बीड : येथील रिपाइं मध्यवर्ती कार्यालयाला रिपाइं राष्ट्रीय अध्यक्ष तथा केंद्रीय सामाजिक न्याय मंत्री रामदास आठवले यांचे (दि.10) मार्च रोजी बीड नगरीत जंगी स्वागत करण्यात आले. रिपाइं युवा प्रदेशाध्यक्ष तथा बीड जिल्हाध्यक्ष पप्पू कागदे यांच्या नियोजनातून उत्स्फुर्त स्वागत करण्यात आले. बीड नगर पालिका येथून रिपाइं मध्यवर्ती कार्यालयापर्यंत रॅली काढून स्वागत करण्यात आले. या रॅलीत जिल्हाभरातील रिपाइं पदाधिकारी, कार्यकर्ते मोठ्या संख्येने सहभागी झाले होते.

सामाजिक न्याय मंत्री रामदास आठवले यांचा उस्मानाबाद येथे कार्यक्रम आयोजित करण्यात आला होता. त्या अनुषंगाने केंद्रिय सामाजिक न्याय मंत्री रामदास आठवले यांचा औरंगाबाद ते उस्मानाबाद असा दौरा आयोजित करण्यात आला होता. या दौऱ्यानिमित्त बीड येथील रिपाइं मध्यवर्ती कार्यालयात त्यांनी आवर्जून भेट दिली. या दौऱ्यात केंद्रीय सामाजिक न्याय मंत्री रामदास आठवले यांनी समाजाचे प्रश्न आणि विविध विषयांवर कार्यकर्त्यांशी संवाद साधला. यावेळी मंत्री रामदास आठवले म्हणाले की, समाजाचे प्रश्न प्रामुख्याने मार्गी लावण्यासाठी रिपाइं काम करत आलेली आहे.

यानंतरही रिपाइं विविध प्रश्नांवर आणि अन्याय अत्याचारावर आवाज उठवित राहील. असा संवाद मंत्री रामदास आठवले यांनी रिपाइं पदाधिकारी, कार्यकर्ते यांना संबोधित करतांना व्यक्त केला.बीड येथील कार्यालयाच्या भेटीनंतर मंत्री रामदास आठवले यांचे उस्मानाबादकडे प्रस्थान झाले.दरम्यान केंद्रीय सामाजिक न्याय मंत्री तथा रिपाइं राष्ट्रीय अध्यक्ष रामदास आठवले यांच्या सत्कारात कोणत्याही प्रकारची कसर राहू नये म्हणून युवा रिपाइं प्रदेशाध्यक्ष तथा बीड जिल्हाध्यक्ष पप्पू कागदे यांनी कार्यकर्त्यांची बैठक घेवून नियोजन केले होते.

यावेळी बाबुराव कदम, राजेंद्र मस्के, अड.सर्जेराव तांदळे, राजू जोगदंड, सचिन कागदे, मजहर खान, गोवर्धन वाघमारे,अरुण निकाळजे,अशोक साळवे, किसन तांगडे,प्रभाकर चांदणे,दीपक कांबळे, नरेंद्र जावळे, अरुण भालेराव, गौतम बचुटे, रवी जोगदंड, सुभाष तांगडे, दशरथ सोनवणे, किशोर कांडेकर, महादेव उजगरे, राणिताई अविनाश जावळे, गणेश लांडगे, अविनाश जोगदंड, महेश आठवले, शाम वीर, गणेश वाघमारे, नामदेव वाघमारे, दिलीप खंदारे, रंजित शिनगारे, राणिताई गायकवाड, मायताई मिसळे, रेश्माताई जोगदंड, प्रा.बाळासाहेब गव्हाणे, दीपक अरुण, भय्यासाहेब मस्के, पप्पू वाघमारे, महेंद्र वडमारे, भाऊसाहेब दळवी आदी पदाधिकारी, कार्यकर्ते मंत्री रामदास आठवले यांच्या जंगी स्वागताला मोठ्या संख्येने सहभागी झाले होते.