मस्साजोग नजीक दुर्घटनेत पप्पू इनामदार यांचा मृत्यू

राजकीय क्षेत्रात हळहळ

By MahaTimes ऑनलाइन |

बीड : केज-बीड मार्गावर मस्साजोग नजीक कार पलटी होऊन झालेल्या अपघातात केज नगर पंचायत सदस्या तथा बांधकाम सभापती तरमीम बेगम यांचे पती गज्मफर उर्फ पप्पू इनामदार (46, रा. रोजा मोहल्ला, केज) यांचा मृत्यू झाला. हा अपघात गुरुवारी सायंकाळी झाला.

प्राप्त माहितीनुसार, केज शहरातील रोजा मोहल्ला येथील रहीवासी गज्मफर उर्फ पप्पू इनामदार हे गेल्या काही वर्षांपासून राजकीय क्षेत्रात कार्यरत आहेत. प्राथमिक माहितीनुसार आज सायंकाळी ते अन्य एका व्यक्ती सोबत कारने केज शहराकडे येत असताला मस्साजोग जवळ अनियंत्रित होऊन कारने पलट्या खाल्ल्या.

या अपघातात गज्मफर उर्फ पप्पू इनामदार यांचा मृत्यू झाला. तर अन्य एक जण जखमी झाला. जखमीवर शासकीय रुग्णालयात उपचार सुरू आहेत. या अपघाताची माहिती मिळताच केज पोलीस ठाण्याचे निरीक्षक सह अन्य पोलीस अधिकारी व कर्मचारी घटनास्थळी धाव घेतली.