बीड कृषी महोत्सवाचे शानदार उद्घाटन

भारताला कृषी प्रधान देश बनविणाऱ्या शेतकऱ्यांचा सन्मान व्हायला हवा -खा.डॉ. प्रीतम मुंडे

By MahaTimes ऑनलाइन |

बीड : शेतकरी हा देशाच्या अर्थव्यवस्थेबरोबरच समाजव्यवस्थेचा कणा आहे. ज्या शेतकऱ्यांनी आपल्या देशाला कृषी प्रधान देश बनवले आहे. त्या शेतकऱ्यांचा खरा सन्मान व्हायला पाहिजे असे विचार खासदार डॉ. प्रीतम  मुंडे यांनी जिल्हा कृषी महोत्सवाचे उद्घाटन प्रसंगी मांडले.  

उन्नत शेती समृध्द शेतकरी  कृषी महोत्सव 2023 अंतर्गत महाराष्ट्र शासन कृषी विभाग व कृषी तंत्रज्ञान व्यवस्थापन यंत्रणा (आत्मा) यांच्या संयुक्त विद्यमाने दि. 24 ते 28 फेब्रुवारी या दरम्यान होणार्या पाच दिवसीय कृषी महोत्सवाचे आयोजन करण्यात आले आहे. या महोत्सवाचे उद्घाटन प्रसंगी डॉ. प्रीतम मुंडे यांनी वरील विचार मांडले. या प्रसंगी जिल्हाधिकारी दिपा मुधोळ – मुंडे, मुख्य कार्यकारी अधिकारी अजित पवार, जिल्हा अधीक्षक कृषी अधिकारी बाबासाहेब जेजुरकर, प्रकल्प संचालक (आत्मा) सुभाष साळवे,  माजी आमदार साहेबराव दरेकर, श्री.अक्षय मुंदडा यांची प्रमुख उपस्थिती होती.

खासदार प्रितम मुंडे पुढे बोलतांना म्हणाल्या, देशात व राज्यात विविध शेतकरी हिताच्या योजना कृषि विभागामार्फत राबविल्या जातात. शेतकऱ्यांना जपण्यासाठी आपल्या माध्यमातुन जेवढी जास्त कामे होतील तेवढी कामे करत राहणे ही काळाची गरज आहे असेही खासदार मुंडे म्हणाल्या.

शेतकऱ्यांनी शासनाच्या योजनांचा पुरेपूर वापर करावा -जिल्हाधिकारी दीपा मुधोळ- मुंडे

जिल्हाधिकारी दिपा मुधोळ- मुंडे यांनी बोलताना शेतीला पुरक व्यवसाय करण्यासाठी महिलांनी पुढाकार घ्यावा. शेतकर्यांनी शासनाच्या योजनांचा पुरेपूर वापर करावा असे सांगितले. तसेच या महोत्सवात जिल्हातील शेतकऱ्यांना नवीन तंत्रज्ञानाची माहिती मिळावी या उद्देशाने कृषी प्रदर्शन, पशु प्रदर्शन, परिसंवाद/चर्चा सत्र, उत्पादक ते ग्राहक थेट विक्री व्यवस्था, शेतकरी सन्मान समारंभ, अत्याधुनिक कृषी अवजारे प्रदर्शन, शेतकरी उत्पादक कंपनी व सेंद्रिय शेती गट उत्पादित धान्य फळे फुले भाजीपाला यांचे स्टॉल लावण्यात आले आहे असेही जिल्हाधिकारी यांनी सांगितले.

प्रास्ताविक करताना जिल्हा अधिक्षक कृषी अधिकारी बाबासाहेब जेजूरकर यांनी आंतरराष्ट्रीय पौष्टिक तृणधान्य वर्षाच्या निमित्ताने तृणधान्य पिकांना प्रोत्साहन म्हणून त्याची माहिती मिळणार असल्याचे सांगितले. तसेच भव्य कृषी प्रदर्शन, शेतकरी मेळावे खरेदी विक्रेता संमेलन, शेतकरी मेळावा त् रोबर खाद्य महोत्सव मेजवानी ही शेतकरी व भेट देणाऱ्या नागरिकांना मिळणार आहे. या कृषी प्रदर्शनात कृषी उत्पादनांची, कृषी अवजारांची, प्रात्यक्षिके या प्रदर्शनात पहावयास मिळणार आहे. याबद्दल माहिती दिली.  

महोत्सवाचे उद्घाटन प्रसंगी शेतकरी , विविध बचतगटातील महिला मोठया संख्येने उपस्थित होत्या.