बीडमध्ये शुक्रवारपासून दोन दिवसीय ‘ग्रंथोत्सव’

ग्रंथदिंडीसह विविधकार्यक्रमांची रेलचेल

By MahaTimes ऑनलाइन |

बीड : बीड येथे 10 व 11 फेब्रुवारी 2023 रोजी ग्रंथोत्सव 2022 चे आयोजन करण्यात आले आहे. या दोन दिवसीय ग्रंथोत्सवात भरगच्च कार्यक्र म पार पडणार आहेत. अशी माहिती जिल्हा ग्रंथोत्सव समन्वय समितीच्या वतीने जिल्हा ग्रंथालय अधिकारी संजय म्हस्के यांनी दिली.

महाराष्ट्र राज्य उच्च व तत्रशिक्षण विभागाच्या ग्रंथालय संचालनालया अंतर्गत बीड जिल्हा ग्रंथालय अधिकारी कार्यालयाच्यावतीने चंपावती हायस्कुल, नगररोड, बीड येथे आयेजित या दोन दिवसीय कार्यक्रमात भव्य ग्रंथप्रदर्शन, विक्री व साहित्यिक मेळावा होणार आहे. या कार्यक्रमात जिल्हयाचे मा. पालकमंत्री अतुल सावे, तसेच सर्व खासदार, आमदार व लोकप्रतिनिधी यांना आमंत्रित करण्यात आले आहे. याचबरोबर प्रशासकीय सेवेतील वरिष्ठ अधिकाऱ्यांचा मोठया प्रमाणात सहभाग असणार आहे. या ग्रंथोत्सवानिमित्ताने आयोजित जिल्हयातील साहित्यीकांचे कथा-कथन, कवितांची मेजवानी राहणार असून बीड जिल्ह्यातील जनतेने लाभ घ्यावा. असे आवाहन आयोजक संजय म्हस्के यांनी केले आहे.

ग्रंथदिंडीसह विविध कार्यक्रम पार पडणार

या कार्यक्र मात ग्रंथदिंडी व  उद्घाटन सोहळा, बालकवी संमेलन, कथा वाचन, परीसंवाद-1, मी आणि माझे वाचन, विदयार्थ्यांचे कथावाचन, कवी  संमेलन, परीसंवाद-2, स्पर्धा परिक्षेचे मार्गदर्शन, भव्य ग्रंथप्रदर्शन, विक्री व साहित्यिक मेळावा असे भरगच्च कार्यक्र म या दोन दिवसीय ग्रंथोत्सवात पार पडणार आहे.

‘नीट’ मधील गुणवंतांचा गौरव

या ग्रंथोत्सवमध्ये  बीड जिल्हयातील वर्ष 2022 मध्ये नीट परीक्षेमधुन एमबीबीएस अभ्यासक्रमासाठी प्रवेश प्राप्त विदयार्थ्यांचा जिल्हाधिकारी, बीड यांच्या हस्ते गौरविण्यात  येणार आहे.