MahaTimes 4 ते 10 जानेवारीदरम्यान सांप्रदायिक कीर्तने आणि इतर धार्मिक कार्यक्रम
‘श्री आनंदऋषीजी सेंटर’ तर्फे डोळ्याची मोफत तपासणी, अल्प दरात मोतीबिंदू शस्त्रकीया
By MahaTimes ऑनलाइन |
बीड : स्व. झुंबरलाल खटोड सामाजिक प्रतिष्ठानच्या वतीने 4 जानेवारी ते 10 जानेवारी दरम्यान बीड येथे भव्य राज्यस्तरीय कीर्तन महोत्सवाचे आयोजन करण्यात आले असल्याची माहिती गौतम खटोड यांनी पत्रकाव्दारे दिली आहे.
यंदाच्या 21 व्या कीर्तन महोत्सवात सांप्रदायिक कीर्तनासोबतच इतर धार्मिक कार्यक्रम आयोजित करण्यात आली आहेत. शहरातील यशवंतराव चव्हाण नाट्यगृहात 6 दिवस चालणारा हा कीर्तन महोत्सव म्हणजे बीडकरांसाठी एक पर्वणीच ठरणार आहे.
श्री आनंदऋषीजी डायग्नोस्टिक सेंटरच्या वतीने कीर्तन महोत्सवानिमित्त 31 डिसेंबर 2022 ते 10 जानेवारी 2023 दरम्यान रक्त लघवी तपासणी व डोळ्याची तपासणी मोफत करण्यात येईल तसेच अल्प दरात मोतीबिंदू शस्त्रकीया करण्यात येईल रुग्णांनी लाभ घ्यावा. तसेच सर्व विशेष तपासणी अल्पदारात करण्यात येतील अशी माहिती खटोड यांच्या वतीने देण्यात आली.
