कामखेडा ग्रापं निवडणुकीत परिवर्तन पॅनल चा दणदणीत विजय

द्वेषाचे राजकारण करणार्‍या विरोधकांना चांगलीच चपराक

बीड : बीड तालुक्यातील पंचायत समिती गण असणारे कामखेडा ग्रामपंचायत मध्ये द्वेषाचे राजकारण करणार्‍यानां कामखेडा गावाच्या मतदारांनी चपराक देऊन बक्शु अमीर शेख यांच्या परिवर्तन पॅनल ला दणदणीत विजय मिळवून दिला असून सरपंच पदाच्या उमेदवार शेख मिना बेगम अमीर या विजयी झाल्या आहेत.

बीड तालुक्यातील मोठ्या गावा पैकी एक असणारे कामखेडा गाव या वेळच्या ग्रामपंचायत निवडणुकीत चर्चेत आले. या वेळी झालेल्या निवडणुकीत ग्रामपंचायत करिता दोन पॅनल आमने-सामने होते. या मध्ये परिवर्तन पॅनल तर्फे सरपंच पदा करिता शेख मिना बेगम अमीर, सदस्य म्हणून चांदबी अन्सार शेख, नसिमुन्निसा शरिफ शेख, रतनबी महेमूद शेख, सादेक बाबामिया शेख, सौ. जया प्रकाश वाघमारे, परमेश्वर दगडू पवार, प्रदीप तुकाराम थोरात आदी परिवर्तन पॅनल तर्फे विजयी झाले आहेत. तर मंजूर उस्मान शेख व शांताबाई कचरु जमदाडे यांचा निसटता पराभव झाला.

या निमित्ताने मतदारांनी द्वेषाचे राजकारण ठोकारले आहे. परिवर्तन पॅनल च्या विजयासाठी हाजी कैसर बेग, भारत नेवडे,सादेक पठाण, अब्दुल मजीद (बाबु भाई), मोहम्मद रफिक, आयुब पठाण, हाजी कलंदर पटेल,जीवन पवार, मुसा महेबूब, रशिद युसूफ आदीने परिश्रम घेतले.