चार वर्षाचा ‘दाऊ’ बेपत्ता

माहिती देणार्‍यास 50 हजाराचे रोख बक्षीस!

By MahaTimes ऑनलाइन |

सोलापुर : मंगळवेढा परिसरातून एक चार वर्षाचा बालक अचानक बेपत्ता झाला आहे. ही घटना 18 नोव्हेंबर रोजी सायंकाळी 6 वाजण्याच्या सुमारास घडली. रणविरकुमार मनोजकुमार साहु असे बेपत्ता झालेल्या बालकाचे नाव आहे. मंगळवेढा पोलिस बालकाचा कसुन शोध घेत आहे. दरम्यान पालकांनी माहिती देणार्‍यास 50 हजाराचे रोख बक्षीस जाहिर केले आहे.

छत्तीसगड राज्यातील बेनेतरा जिल्ह्यातील अकोला (ता. साजा) येथील रहिवाशी मनोज कुमार अमरिसंह साहू (वय 31 वर्षे, हल्ली मुकाम एमआयडीसी समोर परिसर पंढरपूर बायपास रोड मंगळवेढा जिल्हा. सोलापूर) हे बांधकाम मजुर म्हणून काम करतात. 18 नोव्हेंबर रोजी सायंकाळी 6 च्या सुमारास बांधकामाची सुट्टी झाल्यानंतर पत्नीस मुलाला घरी घेऊन जाण्यासाठी सांगितले होते. घरी आल्यावर मुलगा नव्हता. पत्नीला विचारल्यानंतर पत्नीने मुलाने पप्पा सोबत घरी येतो असे सांगितले. सर्वत्र शोधूनही तो सापडला नाही.

ही घटना काल दि.18 नोव्हेंबर सायंकाळी 6 च्या सुमारास जयदीप हेंबाडे यांच्या शिवाजी पार्क येथील घर बांधकाम ते फिर्यादीच्या राहते घराच्या दरम्यान घडली. या प्रकरणी मनोज कुमार अमरसिंह साहू यांच्या तक्रारीवरून अज्ञात व्यक्ती विरोधात अपहरणाचा गुन्हा दाखल झाला आहे. या प्रकरणाचा अधिक तपास मंगळवेढा पोलिस करीत आहे.