कलाशिक्षक मोहम्मद बागवान यांना मानाचा आंतरराष्ट्रीय पुरस्कार जाहीर

डब्ल्यू.सी.पी.ए.प्रेसिंडेट प्रा. डॉ. ग्लेन .टी.मार्टीन यांच्या हस्ते 3 डिसेंबर रोजी होणार गौरव

By MahaTimes ऑनलाइन |

उस्मानाबाद : जनता विद्यालय येडशी येथील कलाशिक्षक  मोहम्मद इलाही बागवान यांची ‘जागतिक सासंद आंतरराष्ट्रीय पुरस्कार 2022’ या पुरस्कारासाठी निवड करण्यात आली आहे. 3 डिसेंबर 2022.रोजी डब्ल्यू.सी.पी.ए. प्रेसिडेंट प्रा. डॉ. ग्लेन .टी.मार्टीन यांच्या हस्ते पुरस्कार देऊन गौरवण्यात येणार आहे. आणि जागतिक सासंद आंतरराष्ट्रीय मध्ये मेंबरशिप ही मिळवली आहे.

कलाक्षेत्रात उल्लेखनीय कार्य केल्याबद्दल त्यांना हा पुरस्कार देण्यात येत आहे त्यांच्या पुरस्काराबद्दल सर्वच स्तरातुन त्यांच्यावर अभिनंदनाचा वर्षाव होत आहे. या यशाबद्दल मोहम्मद बागवान यांचे शाळेचे मुख्याध्यापक श्री रामा गाढवे व शिक्षक व शिक्षकेतर कर्मचारी यांनी त्यांचे अभिनंदन केले आहे.

राष्ट्रीय रत्न पुरस्कार प्रदान

युगभाग्य फुड्स प्रोड्युसर कंपनी लिमिटेड ऑरेंज सिटी वरूड,अमरावती. तर्फे कलाश्रेत्रात उल्लेखनीय कार्य केल्याबद्दल कलाशिक्षक मोहम्मद इलाही बागवान यांचा कार्य दर्पन ( मुंबई ) या संस्थेतर्फे अभिनेत्री मिस युनिव्हर्स, निर्माती रूपल मेहता यांच्या हस्ते 19 नोव्हेंबर रोजी जनगौरव कार्य दर्पण आयकॉन पुरस्काराने गौरव करण्यात आला. तसेच याच तारखेला कार्य दर्पन( मुंबई ) या संस्थेतर्फे जनगौरव कार्य दर्पण आयकॉन हा पुरस्कार सोहळा पार पडला. मात्र, मोहम्मद बागवान सरांना उपस्थित न राहता आल्याने त्यांचा मुलगा लारेब मोहम्मद बागवान यांना पुरस्कार स्वीकारला.

कोण आहेत मोहम्मद बागवान
मोहम्मद बागवान सोलापुर जिल्ह्यातील बार्शी येथील रहिवाशी आहेत.येडशी येथील श्री. शिवाजी शिक्षण प्रसारक मंडळ संचलित जनता विद्यालय येथे कला शिक्षक म्हणून कार्यरत असून ते फलक लेखन व व्यंगचित्रांच्या माध्यमातून सामाजिक संदेश देत असतात. त्यांचे हे कार्य दिपस्तंभासारखे आहे. ते सतत कर्तव्यपूर्ती सह मानवहितास महत्व देऊन कार्य करत आहेत. त्यांना आतापर्यंत राज्य, राष्ट्रीयस्तरावरील अनेक पुरस्कार मिळाले आहेत. त्यांनी आपल्या कृर्तत्वाने स्वत:सह शाळेचे व जिल्ह्याचे नाव उज्ज्वल केले आहे.