MahaTimes महावितरणच्या विरोधात विजयसिंह पंडितांचा गेवराईत एल्गार
By MahaTimes ऑनलाइन |
गेवराई : महावितरण कंपनीच्या मनमानी कारभारामुळे शेतकरी आणि विज ग्राहक त्रस्त झाले आहेत. पिकांना पाणी देण्याच्या दिवसात महावितरणकडून कृषीपंपाचे विज कनेक्शन तोडले जात आहे. ही सक्तीची विज बील वसुली बंद करा, तोडलेले विज कनेक्शन परत जोडा.विद्युतपुरवठा सुरळीत करा. यासह ईतर सर्व मागण्यांची अंमलबजावणी केली नाही तर येणाऱ्या काळात असहकार आंदोलन करुन रस्त्यावर उतरु असा इशारा जिल्हा परिषदेचे माजी अध्यक्ष विजयसिंह पंडित यांनी दिला. महावितरणच्या कारभारावर संताप व्यक्त करत विजयसिंह पंडित यांनी शेतकऱ्यांसह आज आंदोलन केले. यावेळी ते बोलत होते.
शेतकऱ्यांच्या विविध मागण्यांच्या संदर्भात विजयसिंह पंडित यांच्या नेतृत्वाखाली गेवराई राष्ट्रवादीच्या वतीने शुक्रवार, दि.१८ रोजी सकाळी ११ वाजता महावितरण कार्यालयासमोर धरणे आंदोलन करण्यात आले. यावेळी उपस्थित शेतकऱ्यांनी महावितरणच्या विरोधात संताप व्यक्त केला. यावेळी बोलताना विजयसिंह पंडित म्हणाले की, विजवितरण कंपनीचा मनमानी कारभार चालू आहे, त्याचा निषेध करण्यासाठी हे शेतकऱ्यांचे अंदोलन आहे. शेतकऱ्यांचा हा गंभीर प्रश्न असून प्रशासन जाणिवपूर्वक त्रास देत आहे. वीजतोडणीचा धडाका लावला आहे. सक्तीची वसुली चालू आहे. त्यामुळे शेतकरी संतापलेला आहे. कांदा लावलाय पण पाणी द्यायला लाईट नाही. राज्याचा कृषी मंत्री दळभद्री भेटला आहे. त्यांना शेतकऱ्यांचे कांही सोयरसुतक नाही. असे लोक सत्तेत बसल्या मुळे शेतकरी नाडला आहे. शेतकऱ्यांचे त्यांना कसलेही देणेघेणे नाही. पहिले मुख्यमंत्री यशवंतराव चव्हाण साहेब आणि नंतर शरदचंद्रजी पवार साहेबां सारखे मुख्यमंत्री या राज्याला भेटले त्यांनी महाराष्ट्राचे कल्याण केले, पण विद्यमान मुख्यमंत्री वेगळ्याच अविर्भावात आहेत. महावितरणने कारभारात सुधारणा केली नाही तर महावितरणच्या विरोधात असहकार धोरण राबवले जाईल.
शेतकरी आज अडचणीत आहे. वेळेला विमा नाही, नुकसान भरपाई नाही. अशा परिस्थितीत तुमचे वागणे चुकीचे आहे. निवडणूक आली म्हणून आम्ही आंदोलन करतोत हे डोक्यातून काढून टाका. तुमचे काम व्यवस्थित करा. मुजोरी थांबवा, ती सहन केली जाणार नाही. पुढील काळात शेतकऱ्यांच्या मागण्या मान्य करा अन्यथा आम्ही रस्त्यावर उतरून आंदोलन करु. लवकरात लवकर अंमलबजावणी करा. अशा विविध मागण्यांचे निवेदन महावितरणचे अभियंता कापुरे यांना विजयसिंह पंडित यांच्या हस्ते देण्यात आले. यावेळी राष्ट्रवादीचे तालुकाध्यक्ष भाऊसाहेब नाटकर, माजी सभापती कुमारराव ढाकणे, जि.प. सदस्य फुलचंद बोरकर, पं.स. सदस्य जयसिंग जाधव, राष्ट्रवादी युवकचे अध्यक्ष ऋषिकेश बेदरे, अशोक शिंदे, राहुल जाधव, कल्याण चव्हाण, भाऊसाहेब माखले, राम शिंदे, गजानन काळे, शेंडगे मामा यांनी आपल्या भाषणात महावितरणच्या कारभाराचे वाभाडे काढले. आंदोलनाचे संचालन जयभवानीचे संचालक श्रीराम आरगडे यांनी केले.
यावेळी बाजार समितीचे सभापती जगनपाटील काळे, जयभवानीचे व्हाईस चेअरमन जगन्नाथ शिंदे, खरेदीविक्री संघाचे अध्यक्ष संग्राम आहेर, जिल्हा परिषद सदस्य फुलचंद बोरकर, सभापती बाळासाहेब मस्के, बालाभाऊ लोया, भरतराव खरात, बबनराव मुळे, अप्पासाहेब गव्हाणे, युवानेते पृथ्वीराज पंडित, रणवीर पंडित, उपसभापती शाम मुळे, नंदकुमार गोर्डे, सुभाष मस्के, विजयकुमार वाव्हळ, संभाजी पवळ, राजेंद्र वारंगे, विकास सानप, दिपक आतकरे, दत्ता दाभाडे, अशोक चोरमले, दत्ता घवाडे, शांतीलाल पिसाळ, शंकर तौर, दादासाहेब चौधरी, रामराव यादव, भागवत चौधरी, पांडुरंग गाडे, मदन लगड, सरवर पठाण, गोरक्ष शिंदे, शेख रहिम, वंचिष्ठ शिंदे, दिनेश घोडके, कैलास नलावडे, सोमनाथ गिरगे, अशोक दरेकर, काकासाहेब आहेर, नंदू गोर्डे, उदयसिंह मस्के, अनिल जाधव, राहुल जाधव, प्रथमेश वाव्हळ, सोमनाथ जंगले, गुफरान ईनामदार, विलास निकम, खालेद कुरेशी, बाबासाहेब रडे, गणेश वडघणे, भास्कर वडघणे, साहेबराव पांढरे, युवराज नागडे, अक्षय पवार, आमित वैद्य, शेख खाजाभाई, आक्रमक सौदागर, रफिक सौदागर यांच्यासह राष्ट्रवादी काँग्रेस पक्षाचे पदाधिकारी आणि कार्यकर्ते उपस्थित होते.
