मराठी ख्रिस्ती साहित्य संमेलनाचे थाटात उद्घाटन

फादर हिलरी फर्नांडीस यांचा जीवन गौरव तर अनिल दहिवाडकरांचासाहित्यभूषण पुरस्काराने सन्मान

By MahaTimes ऑनलाइन |

बीड : 26 वे राज्यस्तरीय मराठी ख्रिस्ती साहित्य संमेलनाचे उद्घाटन रविवारी बीडमध्ये विविध मान्यवरांच्या उपस्थितीमध्ये मोठ्या थाटात संपन्न झाले. यावेळी ख्रिस्ती समाजात मानाचा माणला जाणारा जीवन गौरव पुरस्कार फादर हिलरी फर्नांडीस तर साहित्यभूषण पुरस्कार अनिल दहिवाडकर यांना मान्यवरांच्या हस्ते देण्यात आला. उद्घाटनाला शिवसेनेचे जिल्हाप्रमुख अनिलदादा जगताप, माजी नगरसेवक योगेश क्षीरसागर, सचिन मुळूक, महेश धांडे, सुहास पाटील यांच्यासह मान्यवरांची मोठ्या संख्येने उपस्थिती होती.

बीडमध्ये सुंदर, देखणे साहित्य संमेलन होत असल्याच्या भावना मान्यवरांनी व्यक्त केल्या. संमेलन उद्घाटनाच्या पूर्वसंध्येला शहरातून भव्य अशी मराठमोळ्या पध्दतीने ग्रंथ दिंडी काढण्यात आली. यामध्ये सर्वच मरापुरुषांच्या वेषभुषा परिधान केलेले चिमुकले सहभी झाले होते. विशेष म्हणजे महिला, विद्यार्थीनिनिंची संख्या मोठ्या प्रमाणात होते. ज्येष्ठ नागरिकही उस्त्फूर्त पणे या दिंडीत सहभागी झाले होते. त्यांनतर सायंकाळी संमेलनाचे उद्घाटन मोठ्या थाटात पार पडले. यावेळी बोलतांना शिवसेनेचे जिल्हाप्रमुख अनिल दादा जगताप म्हणाले की, ख्रिस्ती समजा बांधवांच्या मदतीसाठी आम्ही केव्हाही धावून येत आहोत. आम्ही आणि आमचा पक्ष जात- पात- धर्म मानणारा नाही. मलाच आमचे नेते कोणत्या जातीचे आहेत हे माहित नसते आम्ही ते माहित करुनही घेत नाहीत. सत्कार्यासाठी आम्ही कायम आपल्या सोबत राहू असे अनिल दादा जगताप म्हणाले. माजी नगरसेवक योगेश क्षीरसागर म्हणाले की, आम्ही काकुंचा वारसा चालवत आहोत. क्षीरसागर परिवार आतापर्यंत कायम ख्रिस्ती समाजाच्या पाठीशी ठाम पणे उभा राहिलेला आहे. आणि या पुढेही कायस सोबत असू, येथील चर्चच्या विविध विकास कामांसाठी 70 लाखाचा विकास आराखडा तयार केला असून त्याला मान्यता मिळाली आहे. शिवसंग्रामचे नेते सुहास पाटील, अ‍ॅड महेश धांडे यांनी मनोगत व्यक्त करत कार्यक्रम उत्सकृष्ट आणि दर्जेदार केल्याच्या भावना व्यक्त केल्या.

या साहित्य संमेलनात फादर हिलरी फर्नांडीस यांना जीवन गौरव पुरस्कार देण्यात आला त्यांनी अनेक धार्मिक गीतांची रचना केलेली आहे. ते धार्मिक ग्रथांचे गाढे अभ्यासक आहेत. अलिकडेच त्यांचे अमृत ग्रंथ, गीत बायबल जुना करार, नवा करार असे दर्जेदार ग्रंस्थ प्रकाशी झालेले आहेत. त्यांना अनेक पुरस्कारांनी सन्मानीत करण्यात आले आहे. त्यात मानाचा जीवन गौरव पुरस्कारही आज मान्यवरांच्या हस्ते देण्यात आला. तर साहित्यभूषण पुरस्कार अनिल दहिवाडकर यांना देण्यात आला. त्यांचे साहित्यामध्ये मोठे योगदान आहे. त्यांनी अनेक नवेक्षित लेखकांना घडवले आहे. त्यांनी 1958 साली पहिली कवीता प्रसिध्द केली. त्याव्हापासून ते लिहिते झाले ते आजतगायत हिलीह आहेत. बायबलचे भाषांतर त्यांनी केले. त्यांचा आज बीडमध्ये मोठा संन्मान करण्यात आला. या कार्यक्रमचे सुत्रसंचालन मृदला घोडके( वृत्त निवेदिका, पुणे) यांनी केले. प्रस्ताविक स्वगाताध्यक्ष अशिष शिंदे यांनी केले. यावेळी मावळत्या अध्यक्षांनी आपले सविस्तर मनोगत व्यक्त केले. नुतन अध्यक्षांनीही आपल्या शैलित भाषण करत उपस्थितांना मार्गदर्शन केले. येणार्या काळात समाजासाठी काय करत येईल ते आपल्या हातून केले जाईल असे मत व्यक्त केले. यावेळी विविध पुस्तकांचे प्रकाशन करण्यात आले.

भव्य ग्रंथदिंडीने बीडकरांचे लक्ष वेधले

राज्यस्तरीय 26 वे मराठी ख्रिस्ती साहित्य संमेलनाला बीडमध्ये रविवारी ( दि. 6 ) रोजी ग्रंथदिंडीने सुरुवात झाली. सकाळी सेंट अ‍ॅन्स स्कुल- येथून संत इग्नाती चर्च मार्गे ही दिंडी रेव्ह. नारायण वामन टिळक साहित्य नगरी, असेम्ब्लीज ऑफ गॉड चर्च येथे कार्यक्रम स्थळी दाखल झाली. दिंडीत चिमुकल्यांनी विविध महापुरुषांची वेधभूषा केली होती, घोडे, उंट आणि रथामध्ये बसलेल्या महापुरुषांच्या वेशभुषेतील चिमुकले लक्ष वेधून घेत होते.

या दिंडीत विद्यार्थी, युवक, महिलांसह ज्येष्ठ नागरिक मोठ संख्येने उत्स्फूर्त सहभागी झाले होते. विशेष म्हणजे महिला, विद्यार्थीनिंची संख्या मोठ्या प्रमाणात होते. ज्येष्ठ नागरिकही उस्त्फूर्त पणे या दिंडीत सहभागी झाले होते. ही ग्रंथ दिंडी सेंट अ‍ॅन्स स्कुल- येथून संत इग्नाती चर्च मार्गे विद्याभवन ए.जी. चर्च जालना रोड- बीड- बीड शहर पोलिस ठाणे- आण्णाभाऊ साठे चौक मार्गे रेव्ह. नारायण वामन टिळक साहित्य नगरी, असेम्ब्लीज ऑफ गॉड चर्च येथे कार्यक्रम स्थळी दाखल झाली.

हा कार्यक्रम यशस्वी करण्यासाठी फादर प्रकाश भालेराव, सरचिटणीस चार्लस् सोनावणे, कोषाध्यक्ष प्रमविजय भालतिलक, स्वगताध्यक्ष अशिष शिंदे यांच्यासह किशोर पाटील, मारियन रेड्डी, सहचिटणीस बाबासाहेब गायकवाड, अशोक थोरात, अरुण गायकवाड, राजु जोसेफ, नितीन शिंदे, प्रितज म्हस्के, क्षितीज गायकवाड प्रतिक भालतिलक, स्तवन घुले, रेव्ह. अँनी सोनावणे, रेव्ह, सुनिल भोंगे, पा. संजय गायकवाड, पा. वारभुवन, पा. अमृत सोनवणे, पा. विल्सन कांबळे, पा.प्रकाश मजमुले, शर्मिला पाटील, निलीमा रामटेके, दिलीप चांदणे, पीटर रेड्डी, बिपीन देशमुख, सुरेश वादव, आतिष काळे, अविनाश चांदणे यांनी परिश्र्म घेतले.