मुख्यमंत्री व उपमुख्यमंत्री यांच्या हस्ते शुभारंभ झालेल्या विकास कामांना आज प्रत्यक्षात सुरुवात

डॉ. योगेश क्षीरसागर यांच्या कडून शहरात सुरू असलेल्या विकास कामांची पाहणी

By MahaTimes ऑनलाइन |

बीड : महाराष्ट्र सुवर्ण जयंती नगरोत्थान महा अभियान अंतर्गत टप्पा क्र .02 च्या बीड शहरातील सिमेंट रस्ते व नाली बांधकाम या 70 कोटी रुपयांच्या विकास कामांचा शुभारंभ महाराष्ट्राचे मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या हस्ते संपन्न झाला होता. त्या कामांना शुक्र वारी प्रत्यक्षात सुरु वात झाली.

मध्यंतरीच्या काळात पावसामुळे व सणासुदीचे दिवस असल्याने नागरिकांना त्रास होऊ नये म्हणून प्रत्यक्ष कामास सुरवात करण्यात आली नव्हती. शुक्रवारी (दि.4) रोजी नाळवंडी नाका परिसरात ईदगाह रोड ते नाळवंडी नाका, नाळवंडी नाका ते सारडा जिनिंग रस्ता आणि दीप हॉस्पिटल रोड ते रिपोर्टर भवन रोड आदी कामांस प्रत्यक्ष सुरवात झाली.

याप्रसंगी युवा नेते डॉ.योगेश क्षीरसागर यांनी मुख्याधिकारी उमेश ढाकणे व सहका-यांसमवेत भेट देवून कामाचा आढावा घेतला. यावेळी डॉ. योगेश क्षीरसागर यांनी सुरू असलेल्या कामांसंदर्भात समाधान व्यक्त केले व नगर पालिकेचे अधिकारी कर्मचारी आणि गुत्तेदार यांना योग्य त्या सूचना केल्या.

या होत आलेल्या दर्जेदार कामामुळे स्थानिक नागरिकांनी देखील आनंद आणि  समाधान व्यक्त करत माजी मंत्री जयदत्त क्षीरसागर, मा.नगराध्यक्ष डॉ. भारतभूषण क्षीरसागर यांचे आभार मानले. तसेच डॉ. योगेश भैया क्षीरसागर यांचे पुष्पहार आणि शाल, श्रीफळ देऊन सत्कार केला. सदरील कामे सुरू असताना नागरिकांनी सहकार्य करावे असे आवाहन याप्रसंगी डॉ.योगेश भैया क्षीरसागर केले.

यावेळी समवेत नाळवंडी नाका परिसरात अमृत सारडा, आसाराम गायकवाड, बाळासाहेब गुंजाळ, सादेक जमा, सय्यद इलियास, मुन्ना इनामदार, अ‍ॅड. विकास जोगदंड, आरेफ खान, अमोल पौळ, ओमप्रकाश तोतला, विकास यादव, बंडू निसर्गंध, सतपाल लाहोट, इकबाल, भागवत बादाडे, रुस्तुम बेदरे, दत्ता गायकवाड, महादेव वाघमारे, राहुल शिंदे, रमेश वाघमारे, ईश्वर धनवे, माजेद कुरेशी, शुभम धनवे, विशाल मोरे, सफवान खान, संगीताताई वाघमारे, फारुक पटेल, डॉ.प्रदीप जोशी, डॉ.यंदे, एकबाल शेख, मुखीद लाला, अक्रम बागवान, नसीम इनामदार, जमील शेख, खदिर भाई, असरार शेख, हाजी बबलू भाई, शारेक झकेरिया, बाबा खान यांच्यासह परिसरातील नागरिक, महिला मोठ्या संख्येने उपस्थित होते.