टेम्पो -रिक्षाचा भीषण अपघात ; पाच जण जागीच ठार

दोन जण गंभीर जखमी; मयतापैकी चौघे एकाच परिवारातील सदस्य

By MahaTimes ऑनलाइन |

जालना : भरधाव टेम्पो आणि रिक्षाची समोरासमोर झालेल्या भीषण अपघातात पाच जण जागीच ठार झाले आहेत. तर दोन जण गंभीर जखमी झाले आहेत. जालना जिल्ह्यातील जाफराबाद माहोरा रोडवर आज सायंकाळी पाच वाजण्याच्या सुमारास हा अपघात झाला.

प्राप्त प्राथमिक माहितीनुसार, अपघातात ठार झालेल्यांची नावे परवीन बी राजू शहा ( वय 25 ), आलिया राजू शहा (वय, 7 ), मुस्कान राजू शहा ( वय 3), कैफ अशपाक शहा ( 19 ) आणि मनीषा तिरुखे  (वय 26 ) अशी आहेत. या अपघातातील सर्व मयत हे बुलढाणा जिल्ह्यातील देऊळगाव राजा येथील आहेत. 

हा अपघात एवढा भीषण होता की टेम्पोच्या धडकेत रिक्षाचे दोन तुकडे झाले होते. स्थानिकांच्या मदतीने पोलिसांनी जखमींना उपचारासाठी जवळच्या ग्रामीण रुग्णालयात हलवलं आहे.