केज जवळील अपघातात दो सख्या भावासह तीन ठार

खासगी क्लासेसच्या उभ्या बसवर मोटारसायकल आदळून झाला अपघात

By MahaTimes ऑनलाइन |

बीड : केज तालुक्यातील कोरेगाव फाट्यावर विद्यार्थ्यांना सोडण्यासाठी थांब्यावर उभी खासगी क्लासेसच्या बसवर मोटारसायकल पाठीमागुन जोरात आदळली. या अपघातात दो सख्या भावासह तीन जण गंभीर जखमी होउन ठार झाले. हा अपघात शनिवारी दुपारी घडला.

प्राप्त माहिती अशी की, केज तालुक्यातील कोरेगाव येथील भागवत कल्याण पवार, दिपक कल्याण पवार हे दोघे सख्खेभाउ व पिंपलगांव येथील सुनील मधुकर शिंदे सोबत मोटारसायकल (एम.एच. 13 बीजे -8574) वरून बीड कडे जात होते. दरम्यान कोरेगाव फाट्यावर खासगी क्लासेस ची बस (एम.एच. 44-9996 ) विद्यार्थी सोडण्यासाठी थांबली होती.  दरम्यान पाठीमागुन भरधाव वेगात आलेली मोटारसायकल उभ्या बसवर पाठीमागून जोरात आदळली. या अपघातात मोटारसायकलवरील तीघे जण गंभीर जखमी झाले.

सदर अपघाताची माहिती समजताच सामाजिक कार्यकर्ता नंदकिशोर मुंदडा, विजयप्रकाश ठोंबरे, गौतम बचुटे यांनी जखमींना तात्काळ केज येथील उपजिल्हा रूग्णालयात दाखल केले.उपचारा दरम्यान सुनील मधुकर शिंदे याचा मृत्यू झाला. दरम्यान गंभीर जखमी दोन्हीं भावंडांची प्रकृती गंभीर बनल्याने अंबाजोगाई येथील स्वामी रामानंद तीर्थ दवाखान्यात दाखल केले. उपचारा दरम्यान दिपक पवार व भागवत पवार या दोघांचाही मृत्यु झाला. याप्रकरणी संबंधित ठाण्यात अपघाताची नोंद झाली आहे.