जिल्ह्य़ातील सर्व शाळा स्वच्छ व सुंदर बनवा – जिल्हाधिकारी राधाबिनोद शर्मा

जि.प.केंद्र अशोकनगर शाळेला स्वच्छ विद्यालय पुरस्कार प्रदान

By MahaTimes ऑनलाइन |

बीड : स्वच्छ विद्यालय पुरस्कार सन 2021-22 जि.प.केंद्र अशोकनगर आदर्श शाळा बीड ला ओव्हरऑल प्रथम क्रमांक चा पुरस्कार मा.जिल्हाधिकारी बीड राधाबिनोद शर्मा, शिक्षणाधिकारी प्रा.जि.प. बीड मा. श्रीकांत कुलकर्णी, उप शिक्षण अधिकारी अजय बहीर डायटचे प्राचार्य विक्रम सारूक यांच्या शुभहस्ते वितरीत करण्यात आला.

भारत सरकारने स्वच्छ भारत स्वच्छ विद्यालय आभियान देशात ऑनलाईन राबवले. त्या मध्ये बीड जिल्ह्य़ातुन 3685 शाळेनी सदर योजनेत सहभाग नोंदवला. पैकी 38 शाळेना जिल्हाधिकाऱ्यांच्या हस्ते पुरस्कार प्रदान करण्यात आले.या वेळी पुरस्कार प्राप्त शाळेना उद्देशून राधाबिनोद शर्मा म्हणाले की मुलांना घर, शाळा व स्वतःस स्वच्छ ठेवण्याची सवय लावा. त्यांना पुन्हा पुन्हा स्वच्छतेचे महत्व व फायदे पटवून देऊन ते करण्यास भाग पाडून बीड जिल्ह्य़ातील सर्व शाळा स्वच्छ व सुंदर बनवण्याचे अवाहन केले. कार्यक्रमाचे प्रास्ताविक शिक्षणाधिकारी प्रा.जि.प.बीड मा. श्रीकांत कुलकर्णी यांनी जिल्ह्य़ातील शाळेची माहीती सादर केली.

सदर पुरस्कार मुख्याध्यापक शेख मुसा स्वीकारला. सोबत शिविअ मा.सिद्धेश्वर माटे, केंद्र प्रमुख फेरोज पठाण, सखाराम शिंदे उपस्थित होते. कार्यक्रमाचे उत्कृष्ट नियोजन गशिअ पाटोदा तथा नोडल अधिकारी शेळके साहेब, तुकाराम पवार, राऊत साहेब काशीद दादा,नागरे नाना,मोमीन ईसहाक सर यांनी केले.