MahaTimes बीड जिल्ह्यातील पदाधिकारी, शिवसैनिकांनी उपस्थित राहावे -जिल्हाप्रमुख जगताप, जाधव
By MahaTimes ऑनलाइन | बीड
बीडचे नवनियुक्त जिल्हा संपर्कप्रमुख धोंडू पाटील शुक्रवारी बीड जिल्हा दौऱ्यावर आहेत. दरम्यान सकाळी अकरा वाजता संपर्कप्रमुखांचा हृदय सत्कार आणि पदाधिकाऱ्यांच्या बैठकीचे आयोजन करण्यात आले आहे. या बैठकीला जिल्हाभरातील शिवसेना पदाधिकाऱ्यांनी उपस्थित राहण्याचे आवाहन जिल्हाप्रमुख अनिल जगताप, आप्पासाहेब जाधव यांनी केले आहे.
राज्यातील सत्तांतर झाल्यानंतर शिवसेनेने अनेक ठिकाणच्या पदाधिकार्‍यांच्या निवडी केल्या आहेत. बीड येथे संपर्कप्रमुख म्हणून आनंद जाधव हे काम पाहत होते. मात्र त्यांच्या जागेवर आता धोंडू पाटील यांची नियुक्ती करण्यात आली आहे. निवड झाल्यानंतर ते पहिल्यांदाच जिल्हा दौऱ्यावर येत आहेत. शुक्रवारी सकाळी अकरा वाजता हॉटेल गोल्डन चॉईस, बार्शी रोड बीड येथे त्यांच्या हृदय सत्काराचे आयोजन करण्यात आले आहे. भव्य सत्कारानंतर याच ठिकाणी शिवसेना पदाधिकाऱ्यांच्या बैठकीचे आयोजन करण्यात आले आहे. या बैठकीला बीड जिल्ह्यातील शिवसेना पदाधिकारी आणि शिवसैनिकांनी उपस्थित राहण्याचे आवाहन करण्यात आले आहे.