MahaTimes मतदार याद्या ट्रू व्होटर (TRUE VOTER) मोबाईल ॲपवर उपलब्ध
By MahaTimes ऑनलाइन | बीड
स्थानिक स्वराज्य संस्थांच्या आगामी सार्वत्रिक निवडणुकांसाठी प्रभागनिहाय अंतिम मतदार याद्या प्रसिध्द करण्यात आल्या आहेत. सदर मतदार यादीत आपले नाव शोधणे अधिक सुलभ व्हावे यासाठी या मतदार याद्या ट्रू व्होटर (TRUE VOTER) मोबाईल ॲपवर उपलब्ध करुन देण्यात आल्या आहेत. जर तुम्हाला तुमचे नाव मतदार यादीत आहे कि नाही हे पहायचे असेल तर तुम्हाला मतदार यादी पाहावी लागेल.
मतदानाच्या वेळी प्रभागनिहाय मतदार यादीत आपले नाव शोधताना मतदारांची धावपळ किंवा गैरसोय होऊ नये, यासाठी ही सुविधा उपलब्ध करुन देण्यात आली आहे. मतदार यादीत नाव शोधणे सोपे झाल्यास मतदानाचे प्रमाण वाढण्यासाठी मदत होईल. वरील पार्श्वभूमी लक्षात घेता आगामी काळात सार्वत्रिक निवडणूक होणाऱ्या नगरपरिषदा / नगरपंचायतींच्या कार्यक्षेत्रात TRUE VOTER मोबाईल ॲपव्दारे प्रभागनिहाय अंतिम मतदार याद्यांमध्ये आपले नाव शोधण्यासाठी सुविधा उपलब्ध करुन देण्यात आली आहे. ॲप प्ले स्टोर वरुन आपल्या मोबाईल फोनमध्ये डाऊनलोड करता येते व त्याचा वापर सुलभरित्या करता येतो.
मतदार ओळखपत्र असणे आवश्यक
तुमचं वय 18 वर्षांपेक्षा जास्त असल्यास, तुमच्याकडे मतदार ओळखपत्र असणे आवश्यक आहे. भारताच्या हितासाठी मतदान करणे हे भारतातील प्रत्येक नागरिकाचे कर्तव्य आहे, त्यांना भारताच्या भविष्याचा विचार करण्याचा आणि मतदान करण्याचा अधिकार आहे. सरकार प्रत्येक व्यक्तीला मतदानाचा अधिकार देते, त्यामुळे तुम्ही महाराष्ट्राचे नागरिक असाल आणि तुमचे नाव मतदार यादीत असेल तरच तुम्ही मतदान करू शकता.तुमचे नाव जर या यादीत नसेल तर तुमच्या मतदानाचा हक्क हिरावला जाऊ शकतो.
घरबसल्या मतदार यादी सहज पाहू शकता
मतदान ओळखपत्र 2022 किती महत्त्वाचे आहे हे आम्ही तुम्हाला सांगितले आहे, परंतु सरकारने ही यादी थेट सरकारी कार्यालयातून उचलून वेबसाइटवर का टाकली हे जाणून घेणेही तुमच्यासाठी महत्त्वाचे आहे. याचे अनेक उद्देश आहेत, जसे की पूर्वी मतदार यादीतील नाव शासकीय कार्यालयात जाऊन पाहावे लागत होते, परंतु आता ते तुम्ही घरबसल्या इंटरनेटद्वारे सहज पाहू शकता आणि तुम्हाला सरकारी कार्यालयात जावे लागणार नाही. आणि तुमचा वेळ आणि पैसाही वाचेल.
