MahaTimes बीड जिल्ह्यातील सहाही नगरपालिकांसाठी ऑगस्टमध्ये मतदान ; आज शुक्रवारपासूनच आचारसंहिता लागू
By MahaTimes ऑनलाइन | मुंबई
राज्यातील 92 नगरपालिका आणि नगरपंचायत निवडणुकांचा बिगुल अखेर वाजला आहे. राज्यात सत्तांतरानंतरच निवडणूक आयोगाने नगरपालिकांच्या निवडणुकीचा कार्यक्र म घोषित केला आहे. यात Municipal Elections 2022 : बीड जिल्ह्यातील सहाही नगरपालिकांसाठी ऑगस्टमध्ये मतदान होणार असून आज शुक्रवार (दि.8) पासूनच निवडणूकीची आचारसंहिता लागू करण्यात आली आहे.
राज्यातील पर्जन्यमान कमी असलेल्या 17 जिल्ह्यातील 92 नगरपालिका व चार नगरपंचायतींच्या निवडणुकींचा कार्यक्र म राज्य निवडणूक आयोगाने आज जाहीर केला. 18 ऑगस्ट रोजी मतदान होणार असून या निवडणूकीची प्रक्रिया 20 जुलैपासून सुरु होणार आहे.
राज्य निवडणूक आयोगाने दिलेल्या निर्देशानुसार 20 जुलै रोजी जिल्हाधिकारी निवडणूक कार्यक्र म जाहिर करणार आहेत. 22 ते 28 जुलैपर्यंत राज्य निवडणूक आयोगाने निश्चित केलेल्या संकेतस्थळावर नामनिर्देशनपत्र भरायची आहेत. छाननी व वैध नामनिर्देशन पत्र असलेल्या उमेदवारांची यादी 29 जुलै रोजी जाहिर केली जाणार असून 4 ऑगस्ट पर्यंत अर्ज माघारी घेता येणार आहेत. उमेदवारी मागे घेण्यासाठीच्या शेवटच्या दिवसानंतरच्या लगतच्या दिवशी अंतिम यादी प्रसिध्द केली जाणार आहे . दरम्यान, जेथे आवश्यकता भासेल त्या ठिकाणी 18 ऑगस्ट रोजी मतदान घेतले जाणार आहे. आणि 19 ऑगस्ट रोजी मतमोजणी होऊन निकाल जाहिर करण्यात येणार आहे.
