MahaTimes शिक्षक व पालक मेळावा : मुख्याध्यापक शेख मुसा व केंद्र प्रमुख फेरोज पठाण यांचे मार्गदर्शन
By MahaTimes ऑनलाइन | बीड
पालकांनी शिक्षक व शाळेशी समन्वय ठेवावा. शिक्षक व पालक मेळाव्यातून समन्वय वाढवून मुलांची गुणवत्ता व शाळेचा शैक्षणिक दर्जा वाढवण्यास मदत होईल असे विचार मुख्याध्यापक शेख मुसा व केंद्र प्रमुख फेरोज पठाण यांनी व्यक्त केले.
आज भारतरत्न डॉ.बाबासाहेब आंबेडकर आदर्श शाळा योजना जि.प.केंद्र अशोकनगर बीड येथे पालक मेळावा घेण्यात आला. या मेळाव्यात मुख्याध्यापक शेख मुसा, केंद्र प्रमुख फेरोज पठाण यांनी मार्गदर्शन केले. मुलांना दररोज शाळेत पाठवने, स्वच्छते कडे लक्ष देने, दिलेले गृहपाठ घरी करुन घेणे, पालकांनी शिक्षक व शाळेशी समन्वय ठेवावा. शाळेला समाजाचा सहभाग द्यावा, वृक्षारोपण करणे या विषयावर चर्चा करून शैक्षणिक गुणवत्ता वाढवण्याचे एकमताने ठरले.
या मेळाव्यास शालेय शिक्षण समितीचे अध्यक्ष शेख उस्मान भाई, सिमा यादव, शेख बुशरा, ढोले ताई, शेख गफूर, शेख रईस, सुरवसे, तब्बसुम बाजी, शेख बाबुभाई, शेख सोनु मोमीन तब्बसुम, खान सिमरन इ.पालक उपस्थित होते.
