शिवसेना नेते खैरेंचा निर्धार : आगामी प्रत्येक निवडणुकीत भगवा फडकवायचाय !

शिवसेना पदाधिकार्‍यांसोबत आढावा बैठक, कार्यकर्त्यांना कामाला लागण्याचे आवाहन

By MahaTimes ऑनलाइन | बीड

आगामी प्रत्येक निवडणुकीत भगवा फडकवायचा आहे, ओबीसी आरक्षणाचा निर्धार केव्हा येउ शकतो. नगर पालिका, जिल्हा परिषद, पंचायत समितीच्या निवडणुका तोंडावर आहेत. आपण गाफिल न रहाता आतापासूनच तयारीला लागावे, असे आवाहन शिवसेना नेते तथा बीड जिल्ह्याचे संपर्क नेते माजी खासदार चंद्रकांत खैरे यांनी आयोजित पदाधिकार्यांच्या बैठकीत केले.

बीडमध्ये आज रविवारी संपर्क नेते माजी खासदार चंद्रकांत खैरे यांच्या उपस्थितीत आयोजित शिवसेना पदाधिकार्‍यांच्या आढावा बैठकीत ते बोलत होते. या बैठकीला बीडचे जिल्हाप्रमुख अनिल जगताप, जिल्हाप्रमुख आप्पासाहेब जाधव, नगराध्यक्ष डॉ. भारतभूषण क्षीरसागर यांची उपस्थिती होती. या बैठकीस मार्गदर्शन करताना माजी खासदार चंद्रकांत खैरे म्हणाले, बीड जिल्ह्यात शिवसेनेला पोषक वातावरण निर्माण झालेले आहे. जनता आपल्या पाठिशी आहे. आपण केलेल्या समाजिहताचे मोेल होणार आहे. आगामी स्वराज्य संस्थेच्या निवडणुकीत प्रत्येक पदाधिकार्यांनी, शिवसैनिकांनी जिवाचे रान करून मैदानात उतरायचे आहे. आजपासूनच मतदारांशी संपर्कवाढवावा असे आवाहन ही त्यांनी केले. यावेळी जिल्हाप्रमुख अनिल जगताप, डॉ. भारतभूषण क्षीरसागर यांनीही विचार मांडले.

14 मे रोजी मुंबईत, 8 जून रोजी औरंगाबादेत मेळावा

शिवसेनेचे पक्षप्रमुख उद्धवजी ठाकरे यांच्या प्रमुख उपस्थितीत 14 मे रोजी मुंबईत तर 8 जून रोजी औरंगाबाद मध्ये मेळाव्याचे आयोजन करण्यात आले आहे. अशी माहिती संपर्क नेते माजी खासदार चंद्रकांत खैरे यांनी सदर बैठकीत दिली. या मेळाव्यास अभूतपूर्व प्रतिसाद मिळणार आहे. दोन्ही मेळावे भव्यदिव्य होणार आहेत. बीड जिल्ह्यातून पदाधिकारी आणि शिवसैनिकांनी या मेळाव्यासाठी यायचे आहे असेही खैरे म्हणाले.

या बैठकीस महिला आघाडी जिल्हा संघटक संगीताताई चव्हाण, शिव सहकार सेना जिल्हा संघटक पंकज कुटे, किसान सेना जिल्हा संघटक परमेश्वर सातपुते , बाळासाहेब पिंगळे, माजी जिल्हाप्रमुख कुंडलिक खांडे, जिल्हा संघटक बप्पासाहेब घुगे, नितीन धांडे, हनुमान जगताप, गणेश वरेकर, आशिष मस्के, भाऊसाहेब लटपटे, एजाज शेख, बबलू खराडे, जयसिंग चुंगडे, तालुका प्रमुख गोरख सिंघण, किरण चव्हाण, कुमार शेळके, दिलीप गोरे, गंगाधर घुमरे, फारु क पटेल, बाबुशेट लोढा, डावकर ताई, सुनिल अनभुले, शहरप्रमुख सुनिल सुरवसे, शिणू बेदरे, राजेंद्र राऊत, विनोद मुलुक,रंजीत बनसोडे, विनायक मुळे, संजय उडान, किशोर जगताप, बहिरवाळ सर, आकाश जगताप, रतन गुजर, दीपक काळे, गणेश मस्के, संदीपान बडगे, प्रदिप कोटुळे, जगदीश उबाळे, शुभम धूत, हनुप्रसाद पांडे, साहेबराव पोपले, आकाश ससाणे, मुकुंद भालेकर, चंदू ठोंबरे, करण पिंगळे, अजिंक्य पवळ, फरजाना शेख, नंदू येवले,अनिल माने, रामनाथ घोडके, शुभम कतांगळे, रवी वखरे आदीसह असंख्य शिवसैनिक उपस्थित होते.