बीडच्या सचिन व देवदत्तची महाराष्ट्र क्रिकेट संघात निवड

By MahaTimes ऑनलाइन – बीड |

बीड जिल्हा क्रिकेट असोसिएशनच्या सचिन संजय धस व देवदत्त सुरेश नवले यांची कूच बिहार ट्रॉफी साठी महाराष्ट्र क्रिकेट संघात निवड झाली आहे. हे दोघेही अष्टपैलू खेळाडू आहेत.

महाराष्ट्र क्रिकेट असोसिएशनने नुकतीच कूच बिहार ट्रॉफीसाठी 19 वर्षाखालील महाराष्ट्र संघाची निवड जाहीर केली त्यात सचिन धस आणि देवदत्त नवले यांचा समावेश आहे. या अगोदर सचिन धस याने अंडर नाईनटीन चॅलेंजर ट्रॉफीस्पर्धेत इंडिया डी संघाचे कर्णधार पद भूषविले आहे. उच्च स्तरावर बीडच्या खेळाडूंची निवड होत असून यात बीड जिल्हा क्रिकेट असोसिएशनच्या पारदर्शक कार्याचा मोलाचा वाटा आहे.

बीड जिल्हा क्रिकेट असोसिएशनचे अध्यक्ष डॉ. भारतभूषण क्षीरसागर, सचिव प्रा.आमेर सलीम, महेश वाघमारे, राजन साळवी, इरफान कुरेशी, मनोज जोगदंड, जावेद पाशा, रिजवान खान, सुनील गोपी शेट्टी, गोपाल गूरखुदे, आरिफ शेख, सरफराज मोमीन, अतिक कुरेशी, अक्षय नरवडे, पठाण शाहरुख, व अम्मार सलीम यांनी निवड झालेल्या खेळाडूंचे बीड जिल्हा क्रिकेट असोसिएशनच्या वतीने अभिनंदन करून शुभेच्छा दिल्या आहेत.