महात्मा फुले जयंती दिनी ‘लेझर शो’ आणि सांस्कृतिक कार्यक्रमांचे आयोजन

नागरिकांनी मोठ्या संख्येने उपस्थित राहावे – सुभाष राऊत

By MahaTimes ऑनलाइन – बीड |

क्रांतीसुर्य महात्मा ज्योतिबा फुले यांच्या जयंती दिनी सार्वजनिक जयंती उत्सव समितीच्या वतीने विविध आकर्षक कार्यक्रमांचे आयोजन केले असून महात्मा फुले पुतळ्याजवळील लेझर शो आणि सांस्कृतिक कार्यक्रम महात्मा फुले जयंतीचे आकर्षण ठरणार आहेत.

गेल्या दोन वर्षापासून कोरोना संक्रमणामुळे बंद पडलेल्या सर्व सार्वजनिक सांस्कृतिक कार्यक्रमांना यावर्षी पुन्हा उधाण आले आहे. यंदाची महात्मा फुले जयंती दिनी ‘लेझर शो’ आणि सांस्कृतिक कार्यक्रमांचे आयोजन मोठ्या उत्साहात साजरी करण्याचे ठरले असून कोरोना संक्रमणाची दक्षता घेऊन मिरवणूक रद्द करून समता परिषदेच्या वतीने आयोजित करण्यात आलेल्या सार्वजनिक क्रांतीसुर्य महात्मा फुले जयंतीनिमित्त बीड शहरामध्ये विविध सांस्कृतिक, शैक्षणिक आणि सामाजिक कार्यक्रमांचे आयोजन करण्यात आले आहे.

सोमवार दिनांक 11 एप्रिल रोजी सकाळी आठ वाजण्याच्या सुमारास क्रांतिसूर्य महात्मा ज्योतिबा फुले यांच्या पुतळ्यास अभिवादन सभेचे आयोजन मान्यवरांच्या उपस्थितीत करण्यात आले आहे. तत्पूर्वी रविवारी सायंकाळी साडेअकरा वाजता भारतरत्न डॉ. बाबासाहेब आंबेडकर पुतळ्यापासून क्रांतिज्योत रॅली काढण्यात येणार असून या रॅलीचा समारोप क्रांतिसूर्य महात्मा ज्योतिबा फुले यांच्या पुतळ्याजवळ करण्यात येणार आहे.

सायंकाळी सहा वाजण्याच्या सुमारास क्रांतिसूर्य महात्मा ज्योतिबा फुले यांच्या पुतळ्याजवळ भव्य दिव्य लेझर शो, लाईट शो, दांडपट्टा, फायर शो, तलवारबाजी आधी मैदानी खेळ होणार आहेत. तरी बीड जिल्ह्यातील तमाम फुले प्रेमी नागरिकांनी या जयंती उत्सवानिमित्त आयोजित करण्यात आलेल्या कार्यक्रमात उपस्थित राहून कार्यक्रमाची शोभा वाढवावी असे आवाहन अखिल भारतीय महात्मा फुले समता परिषदेचे प्रदेश उपाध्यक्ष तथा बीड जिल्हाध्यक्ष ॲड. सुभाष राऊत यांनी केले आहे.